Amavubi yatsinzwe n’Afurika y’epfo 2-0 mu mukino wa gicuti

Yanditswe na Admin ku wa 29.07.2015 saa 11:05 | Yasuwe : 898

Ikipe y’u Rwanda y’abakinnyi b’imbere mu gihugu batsinzwe n’Amagluglug y’Afurika y’Epfo y’abatarengeje imyaka 23 ibitego 2-0 mu mukino wa gicuti wabereye kuri UJ stadium mu mujyi wa Johannesburg kuri uyu wa kabiri.

Mu mukino wabaye saa moya, abakinnyi b’Amavubi nibashoboye kubyitwaramo neza mu gice cya mbere dore ko ku munota wa 4, umusore Keagan Dolly ukinira ikipe ya Mamelodi Sundowns yatsinze igitego cy’Afurika y’Epfo ku makosa yari akozwe n’abinyuma.

Amagluglug yakomeje gisatira cyane ikipe y’Amavubi yakiniraga kugihunga, batakaza imipira cyane maze ku munota wa 35, Siphiwe Khambule ukinira ikipe ya Supersport yaje gutsinda igitego cya kabiri nyuma yo guhererakana umupira na Siphelele Ntshangase.Igice cya mbere cyarangiye Amagluglug ifite ibitego 2-0.

Mu gice cya kabiri, Umutoza Johnathan Brian McKinstry yaje yasimbuje bakinyi batatu ku ikipe yari yatangiye umukino, aho yazanye Fabrice Twagizimana mu mwanya wa Amani Uwiringiyimana, Danny Usengimana mu mwanya wa Ernest Kwizera, Fitina Omborenga mu mwanya wa Jean Marie Vianney Rukundo na Amini Muzerwa mu mwanya wa Tumaini Ntamuhanga, Olivier Kwizera waje asimbuye Eric Ndayishimiye hamwe na Savio Nshuti Dominique wasimbuye Innocent Habyarimana.

amavsa15

Ikipe y’Amavubi yakinye neza mu gice cya kabiri maze baza guhusha uburyo bugera kuri butatu buvuye kwa Jacques Tuyisenge, Dany Usengimana na Amran Nshimiyimana.

Amakipe yombi yaje kurangiza afite abakinyi 10 ku mpande zombie nyuma yaho Kevin Muhire ku ruhande rw’u Rwanda na Dumisani Zulubahawe amakarita y’umuhondo nyuma yaho yo kwitwara nabi mu mukino.

Umutoza McKinstry yagize ati, “Ntabwo twitwaye neza mu gice cya mbere ariko nashimishijwe n’igice cya kabiri aho nibura twagiye twubaka, tugakina umukino wacu twashakaga. Afurika y’Epfo ifite abakinyi b’abahanga bazi icyo bashaka kandi wabonaga ko bamenyeranye kuturusha,”

“Uyu mukino wasingiye ishusho nziza y’abandi bakinyi nshobora kuzongera mu ikipe nkuru. Hari abakinnyi batatu bitwaye neza kandi hari n’abandi batatu bantunguye kuko ibyo ntari mbitezeho sibyo banyeretse, sindi bubavuge amazina, nzabibibwirira,”

“Urugendo ruracyakomeza, turagenda dukomeze imyitozo ariko imikino nkiyi iba ifite akamaro gakomeye ku bakinyi turimo gutegura bakina CHAN kandi mfite ikizere ko ibyo turimo gukora byose biri munzira nziza,”

Mu gihe U Rwanda rwakoresheje uyu mukino mu kwimenyereza amajonjora y’igikombe cy’Afurika 2017, CHAN 2016 n’amajonjora y’igikombe cy’Isi 2018,
Afurika y’Epfo y’abatarengeje imyaka 23 yawukoresheje mu kwitegura umukino wo kwishyura na Zimbabwe kuri Harry Gwala Stadium kuri uyu wa Gatandatu.

Amavubi aragaruka mu Rwanda kuri uyu wa Gatatu, saa 13:00 n’indege ya RwandAir.

Ikipe y’abanjemo : Eric Ndayishimiye, JMV Rukundo, Faustin Usengimana, Amani Uwiringiyimana, Celestin Ndayishimiye, Tumaini Ntamuhanga, Amran Nshimiyimana, Jacques Tuyisenge, Kevin Muhire, Innocent Habyarimana, Ernest Sugira

Abasimbuye : Olivier Kwizera, Fitina Omborenga, Fabrice Twagizimana, Amini Muzerwa, Savio Nshuti Dominique, Dany Usengimana

Utakinye : Songa Isaie

Tanga igitekerezo na Facebook

Tanga igitekerezo