Amavubi U23 akomeje imyitozo yitegura Somaliya

Ikipe y’igihugu y’abatarengeje imyaka 23 ikomeje imyitozo yitegura umukino uzayihuza n’ikipe y’igihugu ya Somalia kuri uyu wa gatandatu kuri Sitade Amahoro.

Ikipe yakoze imyitozo y’ayo ya mbere kuri uyu wa mbere no kuwa mbere ikaba ikomerezaho kuri uyu wa gatatu aho umusore Yves Rubasha ukinira ikipe y’abatarengeje imyaka 23 ya Portland Timbers muri Leta Zunze Ubumwe z’Amerika aza kuba akorana n’abandi.

Kuri uyu wa kabiri, abasore Salomon Nirisarike ukina mu Bubiligi na Kabanda Bonfils wo mu Butaliyani bakoze imyitozo n’abandi nyuma yaho bagereye mu Rwanda kuwa mbere ninjoro. Umutoza yishimiye urwego abakinnyi bariho nuburyo bakurikirana imyitozo bitegura umukino wo kuwa gatandatu.

amavu23

Amavubi azakina na Somalia mu mikino wa mbere tariki ya 25/04/2015 kuri Sitade Amahoro I Kigali. Umukino wo kwishyura uzaba tariki ya 09/05/2015 ubere I Nairobi muri Kenya.

U Rwanda rutsinze Somalia rwahura na Uganda mu mikino w’icyiciro cya kabiri iteganyijwe mu kwezi kwa gatanu mu gihe igihugu kizatsinda iyi mikino kizahura na Egypt mu mikino y’icyiciro cya gatatu izaba mu kwezi kwa karindwi.

Iyi mikino uri mu rwego rwo gushaka itike y’igikombe cya Afurika kizabera muri Senegal nyuma yaho cyambuwe Congo Kinshasa yari kucyakira kuva tariki 5 kugeza tariki 19/12/2015, ndetse n’imikino Olempiki ya 2016 izabera i Rio de Janeiro muri Brazil.

 

 

 

Tanga igitekerezo na Facebook

Tanga igitekerezo