Amavubi U17 yanyagiwe na uganda U17

Yanditswe na Admin ku wa 20.07.2014 saa 08:50 | Yasuwe : 1,538

Nkuko byari byitezwe n’abakurikirana hafi umupira w’amaguru mu Rwanda Ikipe y’u Rwanda Amavubi y’abatarengeje imyaka 17 yatsinzwe na Uganda ibitego 4-0 mu mukino wabereye kuri Sitade ya Namboole I Kampala.

Ni mu rwego rwo gushaka itike yo gukina imikino ya nyuma y’igikombe cya Afurika kizabera muri Niger umwaka utaha.

Ibi ntibitangaje ariko kubera ko imitegurire y’iyi kipe yari yacyemanzwe cyane n’itangazamakuru. Iyi kipe yatoranijwe mu bana batagira amarushanwa bakinamo.Nukuvuga ko bagiye nahamagara umwe umwe ku giti cye kandi nta n’imikino ya gicuti igaragara bigeze bakina.

amavu17ug

                                                                 Ngaya Amavubi U17 yahuye n’uruva gusenya i Kampala

Uganda yabonye igitego cya mbere ku munota wa munani gitsinzwe na Muhammed Shaban.Ku munota 60, Pius Obuya yaje gutsinda icya kabiri mbere y’uko Julius Poloto atsinda icya gatatu hashize iminota itandatu gusa.Habura iminota ibiri ngo umukino urangire, Musa Mukalazi waje asimbuye yatsinze igitego cya Uganda cya kane maze iba yizeye kugera ku kindi cyiciro.

Aya makipe yombi azongera ahure mu mukino wa kwishura uzaba tariki 02/08/2014 I Kigali aho Amavubi U17 asabwa gutsinda nibura 5-0 kugirango yizere kugera ku kindi cyiciro cy’amajonjora aho ikipe ya Zambia izaba itegereje ikipe izarokoka hagati ya Rwanda na Uganda.

Icyizere cyo gukomeza umutoza Kanamugire Aloys we avuga ko gisa nka nta cyo, ariko agashaka ko uyu mukino w’i Kigali batawutsindwa, kuko yemera ko hariya barushijwe bigaragara.
 
Umutoza wa Uganda yishimiye uko abasore be bakinnye, akavuga ko u Rwanda yabonye ari ikipe nziza, ariko ikibura bimwe na bimwe, bigomba gukosorwa, nko kumenya icyo bakoresha umupira bageze imbere y’izamu, akanasanga igihunga bari bafite, abakinnyi be ari cyo bagendeyeho, bagakosora u Rwanda.
 
Ikipe y’igihugu yaraye igeze i Kigali. Uyu munsi bararuhuka, nyuma batangire kwitegura umukino wo kwishyura mu byumweru 2 biri imbere.
 
Umutoza Kanamugire ati ( umva amajwi ) :
 
 

Abakinyi bakinye ku mpande zombi:

Uganda: Erick Kibowa (Goal keeper), Andrew Isiagi Okiring, Alex Komakech, Kato Samuel Nemeyimana, Bashir Asiku, Emmanuel Olinga, Jullis Poloto, Frank ‘Zaga’ Tumwesigye, Shaban Muhammed, Charles Ssebutinde na Pius Obuya.

Abasimbura: Edward Kasibante (G.K), Joel Jangeyambe, Imran Mpaata, Ashraf Mugume, Abdul Nsubuga na Musa Mukalazi

RwandaJimmy Djihad Nzeyurwanda (G.K), Danny Niyongira, Kevin Muhire, Abeddy Biramahire, Claude Niyomugabo, Kevin Muhonbo, Patrick Baneneza Honore, Racid Bigiranze, Kayitare Habiyaremye, Aman Niyonkuru, Uwase Jean Marie Vianney .

Abasimbura: Patrick Ndikumana, Innocent Nshuti, Sadjati Niyonkuru, Djabel Manishiwe, Felix Ngabo, Rukumbuzi Bienvenue na Ilias Rucogoza

Tanga igitekerezo na Facebook

Tanga igitekerezo