Amavubi U17 yageze i Kampala

Ikipe y’u Rwanda yabatarengeje imyaka 17 yageze i Kampala kuri uyu wa kane mu gitondo, ije gukina umukino ubanza wo guhatanira igikombe cy’Africa ku batarengeje imyaka 17, kizabera muri Niger mu mwaka wa 2015, hagati ya tariki 15/2 na 1/3/2015.
 
U Rwanda rugeze i Kampala rwajyanywe gucumbikirwa muri Grand Global Hotel, hafi ya Makelele University.Ni Hotel itagize icyo itwaye cyane, akaba ari na yo icumbikiwemo ikipe ya Mauritania, igomba guhura na Uganda kuri uyu wa gatandatu, mu gushaka itike y’igikombe cy’Africa.
Bashyitse
 
U Rwanda rwakoze imyitozo yo kugorora imitsi kuri uyu wa kane, iminota 30 ku kibuga cya Uganda Martyrs Secondary School iri Lubaga. Ikibuga kibi cyane, bitashimishije abayoboye iyi kipe.
 
Kuri uyu wa gatanu, aba basore barakora imyitozo kuri Namboole National Stadium ku i saa 14h00 za hano Kampala (13h00, isaha y’iwacu mu Rwanda), dore ko ari na yo saha umukino uzaberaho, mbere yuko hakurikiraho umukino uzahuza Uganda na Mauritania.

Iyi kipe itozwa na Aloys Kanamugire yahagurutse  Kigali ku wa gatatu na RwandAir. Bazakina na Uganda Kobs kuwa gatandatu tariki ya 19/07/2014 kuri Sitade ya Namboole saa munani (14h00) mbere y’umukino w’ikipe nkuru ya Uganda Cranes uzayihuza na Mauritania.

Umutoza Kanamugire yavuze y’uko bizeye kwitwara neza imbere y’abagande mbere y’uko babakira I Kigali tariki ya 1/08/2014 mu mukino uzabera I Rubavu. Yagize ti, “Kuva twatangira umwiherero nakirahinduka. Abakinyi bamaze iminsi bitwara neza. Tugiye Kampala nta mvune dufite n’imwe,intego dufite nuko dushaka gutsinda Uganda tukanatwara neza muri rusange mbere yuko tubakira mu mukino wo kwishyura,”

Ikipe ya Uganda izakina n’u Rwanda nyuma yaho itsindiye Seychelles ibitego 5-1 i Kampala. U Rwanda rwitabiriye imikino y’igikombe cy’isi cyabereye muri Mexique mu mwaka 2011.U Rwanda rwageze ku mukino wa nyuma w’igikombe cy’Afurika cy’abakinnyi batarengeje imyaka 17 cyabereye mu Rwanda mu 2011.Ikipe 4 za mbere mu mikino y’igikombe cy’Afurika zihita zitabira amarushanwa y’igikombe cy’isi.

Biteganyijwe ko igikombe cy’isi kizabera muri Chile kuva mu Ukwakira ukageza Ugushyingo 2015.

Abakinnyi : Jimmy Djihad Nzeyurwanda, Ndikumana Patrick, Niyongira Danny, Muhire Kevin, Nshuti Innocent, Biramahore Abeddy, Niyomugabo Claude, Muhombo Kevin, Bananeza Honore Patrick, Niyonkuru Sadjati, Bigiraneza Rachid, Habiyaremye Kayitare, Manishimwe Djabel, Niyonkuru Aman, Uwase Jean Marie Vianney, Ngabo Felix, Rukumbi Bienvenu and Rucogoza Ilias.

Abayobozi : Kanamugire Aloys (head coach), Rwasamanzi Yves (assistant coach), Muhabura Radjabu (goal keeper’s coach), Tuyishime Jean Claude (Team doctor), Nzeyimana Felix (Team Manager).

Dore uko byari byifashe mu mafoto :

[Best_Wordpress_Gallery gallery_type=”thumbnails” theme_id=”1″ gallery_id=”1″ sort_by=”order” order_by=”asc” show_search_box=”0″ search_box_width=”180″ image_column_number=”5″ images_per_page=”30″ image_title=”none” image_enable_page=”1″ thumb_width=”180″ thumb_height=”90″ thumb_click_action=”undefined” thumb_link_target=”undefined” popup_fullscreen=”0″ popup_autoplay=”0″ popup_width=”800″ popup_height=”500″ popup_effect=”fade” popup_interval=”5″ popup_enable_filmstrip=”1″ popup_filmstrip_height=”70″ popup_enable_ctrl_btn=”1″ popup_enable_fullscreen=”1″ popup_enable_info=”1″ popup_info_always_show=”0″ popup_enable_rate=”0″ popup_enable_comment=”1″ popup_hit_counter=”0″ popup_enable_facebook=”1″ popup_enable_twitter=”1″ popup_enable_google=”1″ popup_enable_pinterest=”0″ popup_enable_tumblr=”0″ watermark_type=”none” watermark_link=”http://web-dorado.com”]

 

Tanga igitekerezo na Facebook

Tanga igitekerezo