Amavubi U17 mu mwiherero

Yanditswe na Admin ku wa 07.07.2014 saa 21:33 | Yasuwe : 1,239

Ikipe y’igihugu y’umupira w’amaguru y’abatarengeje imyaka 17 (Amavubi U-17) yatangiye umwiherero kuri Hotel Alpha Palace i Kigali aho irimo gutegura umukino w’amajonjora w’igikombe cy’Afurika.

U Rwanda ruzakina na Uganda mu mukino ubanza tariki ya 18/07/14 i Kampala mbere y’uko ibihugu byombi byongera guhura mu mukino wo kwishyura uteganyijwe i Kigali tariki ya 02/08/2014.

Atangaza urutonde rw’abakinyi 21 bahamagawe gutangira imyitozo kuri iki cyumweru, umutoza mukuru Aloys Kanamugire yagize ati, “Iyi kipe igizwe n’abakinnyi bato twatoranyije kuva mu mu bigo byigisha umupira bitandukanye biri muri iki gihugu,”

rp_u17_entr-300x217.jpgU17 mu myitozo (photo ububiko)

“Nashoboye kubona uko Uganda ikina kandi mfite ikzere y’uko abasore banjye bazashobora guhangana nayo. Bafite abakinyi batatu bashobora kuzatugora ariko nabyo nizera y’uko dufite umwanya wo kwiga uburyo twabahagarika,”

Usibye abakinnyi bato bakina inaha, Kevin Muhombo na Patrick Honore Bananeza bakina muri FC Tubize yo mu bubiligi nabo bari mu bakinnyi bitabajwe ku mukino wa Uganda.

Uyu mukino ugamije gushaka itike yo kwitabira imikino y’igikombe cy’Afurika kizabera muri Niger kuva tariki ya 15 Gashyantare kugeza kuya 1 Werurwe 2015.

Ikipe ya Uganda izakina n’u Rwanda nyuma yaho itsindiye Seychelles ibitego 5-1 i Kampala.U Rwanda rwitabiriye imikino y’igikombe cy’isi cyabereye muri Mexique mu mwaka 2011.

Ikipe y’igihugu yageze ku mukino wa nyuma w’igikombe cy’Afurika cy’abakinnyi batarengeje imyaka 17 cyabereye mu Rwanda mu 2011.

Ikipe 4 za mbere mu mikino y’igikombe cy’Afurika zihita zitabira amarushanwa y’igikombe cy’isi.

Biteganyijwe ko igikombe cy’isi kizabera muri Chile kuva mu Ukwakira ukageza Ugushyingo 2015.

Abakinnyi bahamagawe:

Abazamu : Emmanuel Kayumba and Jihad Jimmy Nzeyirwanda

Myugariro : Jean de Dieu Ntakirutimana, Kayitare Habiyaremye, Amani Niyonkuru, Patrick Ndikumana, Claude Niyomugabo, Felix Ngabo and Omar Ruremesha.

Hagati: Patrick Honore Bananeza, Abubaker Nsengiyumva, Djabel Manishimwe, Sabjat Niyonkuru, Danny Niyongira, Kevin Muhire and Balphremy Iradukunda

Rutahizamu: Kevin Muhombo, Rashid Bigiraneza, Jean Marie Vianney Uwase, Innocent Nshuti na Abedi Biramihire

Gahunda y’imyitozo n’imikino

7-15 Nyakanga : Imyitozo

16 Nyakanga: Kwerekeza i Kampala

16-17 Nyakanga: Imyitozo

18 Nyakanga: Umukino w’amajonjora: Uganda vs. Rwanda (Kampala)

19-31 Nyakanga: Imyitozo

2 Kanama: Umukino w’amajonjora wo kwishyura: Rwanda vs. Uganda (Kigali)

Inkuru : Ferwafa

Tanga igitekerezo na Facebook

Tanga igitekerezo