Amavubi U 23 yatsindiye Somalia 2-0 i Kigali

Kuri uyu wa gatandatu umukino wahuje Ikipe y’u Rwanda y’abatarengeje imyaka 23 n’Ikipe  ya Somalia yo muri icyo cyiciro warangiye Amavubi  atsinze ibitego bibiri ku ubusa (2-0).

NiUyu mukino wari  mu rwego rw’ ijonjora ry’ibanze ry’imikino yo guhatanira tike y’igikombe cya Africa U23 n’imikino Olempike ya 2016 izabera muri Brazil.

Igitego cya mbere cyatsinzwe na Yannick Mukunzi mu gice cya mbere naho icya kabiri gitsindwa na Kevin Muhire ku munota wa gatatu w’inyongera kuko iminota isanzwe yari yarangiye.

Uyu mukino wari witabiriwe n’abantu baringaniye kandi wabonaga abafana badashyushye cyane keretse igitego cya kabiri kimaze kwinjira.

amavu23somalia1

Mu kiganiro Johnny McKinstry utoza amavubi U 23 yahaye abanyamakuru yababwiye ko nubwo batsinze uyu mukino, hakenewe kongera imbaraga n’ubuhanga mu basore be bityo umukino wo kwishyura uzaba mu byumweru bibiri Amavubi akazitwara neza.

Abafana baganiriye nabo batangaje ko ibitego bibiri ari bicye ugereranyije n’uko bari babyiteze, ariko bashima ko nibura batsinze, basaba ko hakongerwamo imbaraga kuko ngo abakinnyi  bagiye batakaza imipira myinshi yari kuvamo ibitego .

Umukino wo kwishyura uzabera i Nairobi muri Kenya.

Amavubi nabasha gusezerera Somalia azahura na Uganda, izatsinda hagati ya zombi ihure na Misiri, izatsinda hagati y’izi niyo izajya mu mikino ya nyuma ya Africa y’abatarengeje imyaka 23 izaba mu mpera z’uyu mwaka, aho eshatu za mbere muri iryo rushanwa zizahagararira Africa mu mikino Olempike izabera i Rio de Janeiro muri Brazil mu 2016.

Tanga igitekerezo na Facebook

Tanga igitekerezo