Amavubi mu mwambaro mushya muri Mozambique

Yanditswe na Admin ku wa 14.06.2015 saa 10:43 | Yasuwe : 788

Nyuma y’aho uruganda AMS rwo muri Australia rusinye amasezerano n’Ishyirahamwe ry’umupira w’amaguru mu Rwanda yo kwambika ikipe y’igihugu biratangira ku mukino bakina na Mozambique saa cyenda i Maputo kuri Estadio national de Zimpeto.

Ni umukino ubanza wo mu itsinda H mu majonjora y’igikombe cy’Afurika kizabera muri Gabon mu 2017, undi mu mukino Ghana irakira ibirwa bya Maurice.

Kuri uyu wa Gatandatu nibwo Amavubi yakoze imyitozo ya nyuma ibanziriza umukino wo kuri iki Cyumweru maze umutoza Jonathan McKinstry atangaza 11 babanzamo muri uyu mukino u Rwanda rusabwa intsinzi mbere yo kwakira Ghana muri Nzeli.

???????????????????????????????????????????????????????????????????????????????????????????????????????????????????????????

Uyu mukino urasifurwa na Jean Jacques Mdala Ngambo wo muri Repubulika Iharanira Demokarasi ya Congo afatanyije na bagenzi be Olivier Safari Kabene, Daddy Diassiwa naho Numbi Pierre Kibingo ni umusifuzi wa kane.

Umunyazimbabwe Onias Tangawarima niwe komiseri w’uyu mukino.Umukino w’u Rwanda na Mozambique uratangira saa cyenda uragaragara kuri televiziyo mpuzamahanga za Max 360 na SuperSport ya 3.

Abakinnyi 11 babanza mu kibuga

Ndayishimiye Eric, Bayisenge Emery, Usengimana Faustin, Rusheshangoga Michel, Sibomana Abouba, Mugiraneza Jean Baptiste, Mukunzi Yannick, Iranzi Jean Claude, Niyonzima Haruna, Tuyisenge Jacques na Sugira Ernest.

Tanga igitekerezo na Facebook

Tanga igitekerezo