Amavubi makuru yageze Pointe Noire

Ikipe y’igihugu AMAVUBI yageze POINTE  NOIRE ejo ku wa gatanu ivuye Brazzaville umurwa mukuru wa Congo Brazaville

Rwari urugendo rw’iminota  45 .Ku gicamunsi cy’ejo i saa cyenda za POINTE  NOIRE abahungu ba CONSTANTINE bakoreye imyitozo kuri stade MUNICIPAL ikaba ari stade ifite ubushobozi bwo kwakira abantu 13.536.

claude-le-roy                   Claude Le Roy umutoza wa Congo Brazzaville ngo afite amatsiko yo kubona Amavubi

Ikigaragara ni uko i Brazzaville abaturage baho bo wagirango nta nubwo baziko hari match y’ikipe y’igihugu cyabo bitadukanye na POINTE  NOIRE kuko abafana ba DIABLES  ROUGES baje ku kibuga cy’indege babwira abakinnyi b’Amavubi ko bazabatsinda bitatu ku busa,mbese hari ambiance y’umupira kuko no mu myitozo hari abantu benshi baje kureba imyitozo.

Ikipe yacumbikiwe muri HOTEL  DE FEZ, ikaba  ari Hotel y’inyenyeri 4 iri hagati mu mujyi. Umukino ukaba utegenijwe ejo ku cyumweru guhera 16h30 isaha ya Kigali

Umva amajwi ( Mashami Innocent umutoza wungirije )


Tanga igitekerezo na Facebook

Tanga igitekerezo