Amavubi makuru yageze Muri Congo

Yanditswe na Rwanda Football ku wa 17.07.2014 saa 10:25 | Yasuwe : 1,149

Ikipe y’igihugu Amavubi yageze muri Congo Brazzaville amahoro ku munsi wo kuwa gatatu mbere y’umukino uzabahuza n’iki gihugu kuri iki cyumweru.

Abasore ba Stephen Constantine ntago bakiriwe neza na Federasiyo ya Congo nkuko bisabwa na CAF ariko ibi nibyababujije y’uko bakora imyitozo.

Kuri uyu wa gatanu, nibwo Amavubi yerekeza iPointe-Noire aho bazakinira umukino ubanza w’amajonjora wo gushaka itike yo gukina igikombe cy’Afurika kizabera muri Maroc umwaka utaha.

Nyuma y’umukino ubanza uzayihuza na Congo Brazzaville, ikipe y’Amavubi izerekeza I Libreville tariki ya 22/07/2014 bakine umukino wa gicuti wo kwishura n’ikipe y’igihugu ya Gabon uzaba tariki ya 27/07/2014.

Umutoza Stephen Constantine yahagurukanye abakinnyi 20 batarimo myugariro Salomon Nirisarike utazagaragara ku mukino ubanza.

amavgabon14Amavubi yakinnye na Gabon i Kigali

Nyuma yaho abimenyesheje ubuyobozi bwa FERWAFA ko afite ibindi byangombwa agomba kurangiza birebana n’amasezerano mashya yagiranye n’ikipe ya Saint-Truiden, byabaye ngombwa ko uyu mukinyi bamureka akabitunganya ndeste akitegura kuzaza ku mukino wo kwishyura uzaba tariki ya 02/08/2014 I Kigali.

Ikipe y’Amavubi yahagurutse yiteguye neza kandi ifite ikizere cyo kwitwara neza mu mukino ibiri izabahuza na Congo Brazzaville aho bashaka itike izabashoboza gukina imikino yanyuma yo guhatanira itike yo gukina imikino yanyuma y’igikombe cy’Afurika izabera I Maroc umwaka utaha.

Ikipe y’igihugu Amavubi yerekeje I Congo:

Abakinnyi: Jean Claude Ndori, Jean Luc Ndayishimiye, Haruna Niyonzima, Medie Kagere, Jean Baptista Mugiraneza, Jean Claude Iranzi, Emery Bayisenge, Dady Birori, James Tubane, Jacques Tuyisenge, Jerome Sina, Ismail Nshutiyamagara, Andrew Buteera, Abouba Sibomana, Patrick Sibomana, Ngirinshuti Mwemere, Michel Rusheshangoga, Peter Kagabo, Michel Ndahinduka, Robert Ndatimana.

Abayobozi: Constantine Stephen (Head coach), Vincent Mashami (Assistant coach), Ibrahim Mugisha (Goalkeeper’s coach), De-Long Nicholas Mark (Physical coach), Moussa Hakizimana (Doctor), Nuhu Assuman (Physio), Alfred Ngarambe (Team Administrator)

Tanga igitekerezo na Facebook

Tanga igitekerezo