Amavubi makuru nayo yatsinzwe na Congo

Yanditswe na Admin ku wa 21.07.2014 saa 09:56 | Yasuwe : 864

Ikipe y’igihugu Amavubi makuru nayo kuri iki cyumweru yatsindiwe  i Pointe Noire n’ikipe y’igihugu ya Congo Brazaville  ibitego bibiri ku busa.

Ni mu mukino ubanza wo gushaka tike yo kujya mu gikombe cya Africa cy’ibihugu kizaba mu 2015 muri Maroc.

Muri rusange Ikipe ya Congo yihariye cyane umukino isatira inshuro nyinshi cyane kurusha Amavubi, yari yabashije gusezerera ikipe ya Libya mu kiciro cy’ibanze muri aya marushanwa.y’igihugu.

Umutoza Stepehn Constantine yari yahisemo  gushyira imbere ba myugariro  babiri Sina Jerome na Daddy Birori ariko biba iby’ubusa ntibagira icyo batera mu izamu rya Congo mu mukino wose. Yari yahisemo gufunga inyuma ariko ntibyamuhiriye kuko imipira yose ba myugariro bayigaruraga mu maguru y’abakinnyi ba Congo Brazaville.

amavcongob

                                                    Ikipe y’igihugu Amavubi mu myitozo i Pointe Noire

Igice cya mbere ariko cyarangiye Amavubi amakipe yombi anganya ubusa ku busa.

Mu gice cya kabiri nta cyahindutse Congo Brazaville yarurushije u Rwanda mu mpande zose maze  ku munota wa 70 Rutahizamu Gandze Cesaire yarekuye ishoti ari hanze y’urubuga rw’amahina umuzamu Ndoli ntiyamenya aho unyuze.a.

Mbere gato y’uko umukino urangira, ku makosa ya Emery Bayisenge  n’umuzamu Ndoli nibwo  Férébory Doré yabaciye mu rihumye  agatanga umupira Ndoli abatsinda icya kabiri ubwo hari ku  munota wa 86.

Ubu Amavubi arasabwa kuzatsinda nibura ibitego bitatu ku busa mu mukino wo kwishyura i Kigali mu byumweru bibiri.Umunyezamu Ndoli ntazakina umukino wo kwishyura kubera imvune.

Kuri uyu wa kabiri nibwo ikipe y’Amavubi azerekeza Libreville muri Gabon gukina umukino  wo kwishyura wa gicuti .Umutoza Constantine  arateganya guha amahirwe abakinnyi batakinnye iyi match  ya Congo Brazzaville.

Abakinnyi babanje mu kibugaNdoli Jean Claude, Michel Rusheshangoga, Kodo, Emery, Abuba, Migi, Haruna, Jacques, Iranzi, Sina, Birori.

Umva amajwi :

Umutoza Constatine :

Kapiteni Haruna Niyonzima :

Tanga igitekerezo na Facebook

Tanga igitekerezo