Amavubi azajya muri Zambia kuwa gatanu

Yanditswe na Admin ku wa 25.03.2015 saa 16:25 | Yasuwe : 604

Ikipe y’igihugu y’umupira w’amaguru Amavubi izahaguruka mu Rwanda kuwa gatanu tariki ya 27 Werurwe 2015 yerekeza  muri Zambia mu mukino wa gishuti.

Umuvugizi w’Ishyirahamwe ry’umupira w’amaguru mu Rwanda (FERWAFA), Hakizimana Moussa yagize ati : “imyitozo irimo irakorwa neza abakinnyi bose ni bazima, nta kibazo mu ikipe”.Yakomeje agira ati “abandi bakinnyi batangiye imyitozo usibye Haruna utaraza, ariko nawe araza kuba yaje kuri uyu wa kane aho azajyana n’abandi”.

amavubistz15a
Ni umukino wa mbere ku mutoza w’Amavubi Mckinstry Jonathan azaba atangiye gutoza nyuma y’uko ahawe amasezerano muri iki cyumweru.Umutoza w’Amavubi Mckinstry atangaza ko yiteguye gutangira na Zambia ashaka intsinzi mu mukino bafitanye ku cyumweru tariki ya 29 Werurwe 2015.

Amavubi azakina na Zambia mu mukino wa gishuti mu rwego rwo kwitegura imikino ya CHAN izabera mu Rwanda muri Mutarama umwaka utaha.Amavubi yatangiye imyitozo kuwa mbere tariki ya 23 Werurwe 2015 mu rwego rwo kwitegura uwo mukino.

Abakinnyi ba Zambia nabo amaze guhamagarwa mu myitozo mu rwego rwo kwitegura uwo mukino bagomba kwakiramo Amavubi.

Tanga igitekerezo na Facebook

Tanga igitekerezo