Amavubi arangije umwaka wa 2018 ari kure hashoboka ku rutonde rwa FIFA

Yanditswe na Rwanda Football ku wa 21.12.2018 saa 15:27

Ikipe y’igihugu y’umupira Amavubi irangije umwaka wa 2018 ari ku mwanya wa 137 ku rutonde rwa FIFA rwasohotse uyu munsi Taliki ya 21 Ukuboza 2018.

Uru rutonde ngarukakwezi rukorwa na Coca Cola rwagaragaje ko Amavubi atigeze azamuka cyangwa ngo amanuke ugereranyije n’urutonde ruheruka kuko yagumye ku mwanya wa 137 n’amanota 1094.

Amavubis

Amavubi yaherukaga kunganya na Centrafrique ibitego 2-2 I Huye mu matsinda yo gushaka itike yo kwerekeza muri AFCON 2019 I Huye mu Ugushyingo uyu mwaka ndetse asigaje umukino umwe azahura na Cote d’Ivoire muri Werurwe uyu mwaka gusa yarangije gusezererwa.

Ikipe iyoboye akarere ka Afrika y’Iburasirazuba ni Uganda iri ku mwanya wa 75 ku isi ndetse no ku mwanya wa 16 muri Afrika.Kenya ni iya 105,Tanzania 138 mu gihe Uburundi buza ku mwanya wa 139 ku isi.

Senegal niyo ya mbere muri Africa ndetse iza ku mwanya wa 23 ku isi,Tunisia niyo ikurikiraho aho iri ku mwanya wa 26 ku isi.ibindi bihugu bikurikiraho ni Morocco ku mwanya wa 40,Nigeria 44,DR Congo 46,Ghana 51,Cameroon 55,Egypt 56.

Ububiligi nibwo busoje umwaka buyoboye isi kuri uru rutonde n’amanota 1727 burarusha inota rimwe Ubufaransa,ku mwanya wa gatatu hari Brazil mu gihe ibindi bihugu bikurikiyeho ari Croatia,England,Portugal,Uruguay,Switzerland,Spain na Denmark.

Tanga igitekerezo

Tanga igitekerezo