Amavubi akomeje kwitegura Congo Brazza

Yanditswe na Admin ku wa 31.07.2014 saa 10:23 | Yasuwe : 943

Ikipe y’igihugu Amavubi ikomeje imyitozo ikomeye mu rwego rwo kwitegura kuzakina na Congo Brazzaville mu mukino wo kwishyura ugamije gushaka itike yo gukina igikombe cy’Afurika umwaka utaha.

Amavubi yagarutse i Kigali ku wa kabiri nyuma y’iminsi itari mike ategura umukino wo kwishura uzayihuza na Congo Brazzaville uzabera Kigali  tariki ya02/08/2014.Ubu bari  mu mwiherero kuri Hoteli Umubano.

Nyumay’umukino ubanza wayihuje na Congo Brazzaville, Amavubi yahise yerekeza i Libreville muri Gabon aho yakomereje imyiteguro.Ku cyumweru tariki 27/07/2014 yakinye umukino wa kabiri mpuzamahanga wa gicuti n’ikipe y’igihugu ya Gabon bayitsinda igitego 1-0 cya Kagere Meddy . Mu mukino ubanza i Kigali tariki 12/07/2014, Amavubi yatsinze Les Pantheres igitego 1-0 gitsinzwe cya Jacques Tuyisenge .

Nyuma y’umukino wa Gabon, umutoza w’Amavubi Stephen Constantine yagize ati “ Byari ngombwa ko dukina umukino wo kwipima nyuma y’uwa Congo. Turi i Pointe Noire ntitwakinnye umukino w’amayeri nk’uko byari muri ibiri yabanje. Uyu munsi nyuma y’umunota wa 25 twashyize hasi umupira abakinnyi bigirira icyizere nkuko nabibabwiye mu kiruhuko.”

constantineplayersKu mukino wa Congo Brazzaville wo kwishyura, Constantine avuga ko bakeneye nibura ibitego 2-0. Yasabye abafana kwihangana mu gihe igitego kitaboneka mu minota ya mbere akagira icyizere ko nibatsinda 2-0, Congo Brazzaville izajya ku gitutu. U Rwanda rurasabwa gutsinda nibura ibitego 3-0 kugirango bashobore gusezerera Congo Brazzaville bityo babone itike y’amajonjora mu itsinda A ririmo ibindi bihugu nka Nigeria, Afurika y’Epfo na Sudani.

Myugariro w’ikipe y’igihugu Amavubi, Mugiraneza Jean Baptiste Migi arasaba abanyarwanda kubaba inyuma kugirango bashobore gusezerera Congo Brazzaville mu mukino uzahuza ibihugu byombi kuri uyu wa gatandatu I Kigali.Migi usanze y’ungirijwe kapiteni Haruna Niyonzima, avugana n’urubuga rwa Ferwafa yagize ati, “Nyuma yo gutsindwa na Congo Brazzaville, twafashe umwanya wo gukosora amakosa yose yatumye dutsindwa,ku mukino wa Gabon, twashoboye gukina umukino mwiza, dushobora no gukosora amakosa yose yabaye. Ubu dufite icyizere cyo gukina, tukitwara neza kandi tugashobora guhesha itike igihugu cyacu.”

Ku byerekeye abakinnyi bakina hanze y’u Rwanda Elias Uzamukunda na Salomon Nirisarike banze kwitabira uyu mukino, Migi yagize ati, “Kuba tudafite abo bakinyi, nigihombo gikomeye ariko uyu niwo mwanya abandi baboneraho bakigaragaza,mfite icyizere cy’uko ishyaka dufite muri ikipe yacu tuzitwara neza tugatsinda Congo Brazzaville.”

constantine

Umutoza Stephen Constantine avuga ko abona afite ikipe nziza kandi biteguye gutanga ibyo bafite byose ngo basezerere ikipe y’igihugu cya Congo Brazaville.Aganira na Ruhagoyacu  yagize ati :  “ Umukino waduhuje na Congo Brazza muri Congo, wari umukino ukomeye cyane kuri twebwe kubera impamvu zitandukanye, zirimo ko ikipe twakinaga na yo, ari ikipe ikomeye, kandi yabigaragaje.Yari ikipe ifite abafana benshi kandi banayishyigikiye bishoboka, ariko twakoze amakosa menshi, tubaha n’umwanya uhagije wo gukiniramo, twarinze izamu cyane, ariko ikindi ni uko twatakazaga n’imipira myinshi, ikintu tugomba gukosora no mu mukino wo kwishyura.”Constantine mu magambo ye ati: “Twatsinzwe koko umukino ubanza ibitego 2-0. Ni akazi katoroshye kuri twebwe, ariko ku wa gatandatu ndizera ko bishoboka ko twabatsinda na twe. Twakinnye neza umukino wa Gabon, dutsinda ikipe ikomeye ya Gabon, Birashoboka ko twatsinda, dufite ikipe nziza, hari icyizere mu bakinnyi, tuzatanga ibyo dushoboye, Ndizera ko twatsinda ibitego 3-0, twarabikoze kuri Libya nta waduhaga amahirwe, kuki hano tutabiboka?”

U Rwanda rurasabwa gutsinda byibura ibitego biri hejuru ya bibiri rutinjijwe na kimwe kugirango rusezerere ikipe y’igihugu ya Congo Brazaville.Abakinyi bashya bongewe mu ikipe y’igihugu barimo umunyezamu Emery Mvuyekure uje usimbuye Ndoli Jean Claude wavunikiye mu mukino ubanza, Jimmy Mbaraga na Mico Justin.

Amavubi azakina uyu mukino badafite Jacques Tuyisenge na Abouba Sibomana kubera amakarita abiri y’umuhondo babonye ku mukino wa Congo na Libya.

Ikipe ya Congo Brazzaville itegerejwe i Kigali kuri uyu wa kane, ifite abakinnyi babiri bashya barimo Prince Oniangué ukina muri Reims na Ladislas Douniama wo muri Guingamp mu cyiciro cya mbere.

Ikipe izatsinda hagati y’Urwanda na Congo kugiteranyo cy’imikino ibiri, izerekeza mu itsinda A ririmo Nigeria, Afurika y’Epfo na Sudani.

Tanga igitekerezo na Facebook

Tanga igitekerezo