Amarushanwa y’ibikombe

1. Igikombe cya Pasika

Dore uko amakipe yagiye atwara icyo gikombe :

1980 : Mukura Victory sport.

2. Igikombe cya Pentecôte

Dore uko amakipe yagiye atwara icyo gikombe :

1981 : Mukura Victory sport

1982 : Mukura Victory sport

1992 : Rayon Sport

3. Igikombe cy’uwa gatanu Nyakanga abenshi bitaga : « Igikombe

     cy’Umubyeyi »

Irushanwa ry’icyo gikombe ryari rikomeye kandi rikunzwe cyane mu Rwanda. Ryatangiye bwa mbere mu mwaka w‘i 1975, icyo gikombe cyari cyaritiriwe umukuru w’igihugu w’icyo gihe « Nyakubahwa Général-Major HABYARIMANA Juvénal ».

Umukino wa nyuma (bita finale mu gifaransa) wabaga taliki ya 5 nyakanga ya buri mwaka, umunsi mu Rwanda hose bibukiragabo isabukuru y’imyaka ya Repubulika ya kabili imaze ishinzwe. Ikindi kandi nuko ikipe yatwaraga icyo gikombe niyo yahagariraga u Rwanda mw’irushanwa mpuzamahanga ry’Afurika ry’amakipe yatwaye ibikombe byinshi iwabo, akandi karusho nuko kugirango icyo gikombe ugitware burundu, ikipe yagombaga kugitsindira byibuze inshuro eshatu.. Dore uko amakipe yagiye agitsindira :

1975 : Kiyovu sport

1976 : Rayon Sport

1977 : Ntago cyakiniwe

1978 : Mukura niyo yegukanye icyo gikombe itsinze Rayon Sport ibitego 5 kuri 1

1979 : Rayon Sport niyo yegukanye icyo gikombe itsinze Panthères Noires ibitego 3 kuri 1

1980 : Panthères Noires niyo yegukanye icyo gikombe itsinze Rayon Sport ibitego 2 kuri 1

1981 : Panthères Noires

1982 : Rayon Sport niyo yegukanye icyo gikombe itsinze Panthères igitego 1 ku busa kuri stade ya Camp Kigali. Bityo Rayon Sport iba iyambere mu gutwara burundu icyo gikombe, ndibuka abafana baririmba icyo gihe ngo : Rayon sport nziza, kimwe zero Rayon sport nziza,……….

1983 : Panthères Noires

1984 : Panthères Noires niyo yegukanye icyo gikombe itsinze Eclair Sport. Icyo gihe habaye ibintu bidasanzwe : iminota 90 yarangiye amakipe yombi anganya 1 kuri 1, bongeraho iminota 30, birananirana amakipe yombi akomeza kunganya 1-1, byabaye ngombwa ko batera penaliti, maze amakipe yombi yinjiza penaliti 8 kuri 8, umusifizi yahise ahagarika gukomeza gutera izo penaliti kubera ko bwari bwije kandi nta matara yari ku bibuga icyo gihe.

Uwo mukino waje gusubirwamo nyuma y’icyumweru maze Panthères Noires itsinda Eclair ibitego 2 kuri 0

1985 : Kiyovu Sport niyo yegukanye icyo gikombe itsinze Etincelles ibitego 2 kuri 1 kuri stade régional i Nyamirambo (Reba ifoto hasi). Mbere yo kugera kuri uwo mukino wa nyuma ikipe ya Kiyovu yari yavanyemo biyigoye cyane ikipe ya Eclair sport mu mukino wa demi-finale wabereye nawo kuri stade régional y’i nyamirambo.

kiyovucoupe1985

Taliki ya 5/7/1985, kuri Stade Régionale Nyamirambo, bamwe mu bakinnyi ba Kiyovu bishimira igikombe « Trophée HABYARIMANA Juvénal » bari bamaze gutsindira. Uhereye iburyo ugana ibumoso: KARERA Hassan, MUVALA Valens (ufashe umufuniko w’igikombe), GASHEREBUKA Bosco (wicaye akoze ku mupira), inyuma ye ni Materne,………., uwicaye afashe igikombe ni MAHAME, inyuma ye ni BICAMUMAKARA Kiki, uhagaze inyuma ni RUBINGISA Protegène Saruhara

1986 : Mukura niyo yegukanye icyo gikombe itsinze ikipe ya Panthères Noires ibitego 2 kuri 1 kuri stade régional i Nyamirambo. (Reba ifoto)

mukuracoupe1986

1987 : Panthères Noires niyo yegukanye icyo gikombe itsinze ikipe ya Mukura igitego 1 kuri 0. Icyo gitego cyatsinzwe n’umukinnyi w’umuhanga muri ba rutahizamu b’ibisamagwe b’icyo gihe witwa BOUMEDIENNE Nicolas aherejwe umupira mwiza cyane n’umuvandimwe we NAPOLEON Constantin.Bityo Panthères itwara burundu icyo gikombe. Uwo mukino wabereye kuri Stade Amahoro i Remera taliki ya 1/7/1987 umunsi mu Rwanda hose bizihizaga isabukuru y’imyaka 25 y’ubwigenge, ari nabwo iyo stade yari iya mbere mu Rwanda muri urwo rwego yatahagwa.(Reba vidéo).

1988 : Etincelles niyo yegukanye icyo gikombe itsinze ikipe ya Kiyovu igitego 1 ku busa. Icyo gitego cyatsinzwe n’umukinyi wari ukomeye cyane mu b’imbere ba Etincelles witwa BAKARI Yussouf.(Reba vidéo).

1989 : Rayon Sports

1990 : Mukura Victory Sports

1991 : Ntago cyakiniwe

1992 : Mukura Victory Sport

1993 : Rayon Sports

1994 : Nticyakiniwe

4. Igikombe “cy’Amahoro”

1995:       Rayon Sports

1996:       Ntago cyakiniwe

1997:       Rwanda FC

1998:       Rayon Sports itsinze Kiyovu kubyo bita mu gifaransa Forfait

1999:       Ntago cyakiniwe

2000:       Ntago cyakiniwe

2001:       Les Citadins FC niyo yegukanye icyo gikombe itsinze APR FC ibitego 6 kuri 5

2002:       APR FC

2003:       Ntago cyakiniwe

2004:       Ntago cyakiniwe

2005:       Rayon Sport niyo yegukanye icyo gikombe itsinze Mukura FC ibitego 3 kuri 0

2006:       APR niyo yegukanye icyo gikombe itsinze ATRACO ibitego 3kuri 0

2007:       APR niyo yegukanye icyo gikombe itsinze ATRACO ibitego 2 kuri 0

2008:       APR niyo yegukanye icyo gikombe itsinze ATRACO ibitego 4 kuri 0

2009:       ATRACO niyo yegukanye icyo gikombe itsinze Mukura FC igitego 1 kuri 0

2010:       APR FC niyo yegukanye icyo gikombe itsinze Rayon Sport ibitego 1 kuri 0

2011:       APR FC niyo yegukanye icyo gikombe itsinze Police FC Kibungo ibitego 4 kuri 2

2012:       APR FC niyo yegukanye icyo gikombe itsinze Rayon Sport ibitego 2 kuri 1

5. Igikombe cya Joseph Fraipont NDAGIJIMANA (Reba ifoto)

fraipont

Ni igikombe cyari cyaritiriwe Padiri Joseph FRAIPONT NDAGIJIMANA washinze ibigo byita ku bamugaye muri Afurika yo hagati harimo n’ikigo cy’i Gatagara mu Rwanda.

1983: Ikipe ya Mukura niyo yegukanye icyo gikombe itsinze Rayon Sport ibitego 3 kuri 2

 6. Igikombe cya “Fair-play”

Ni igikombe cyegurirwa ikipe yitwaye neza muri Shampiyona

1988-1989 : Muri diviziyo ya mbere Zèbres FC niyo yegukanye icyo gikombe.

Muri diviziyo ya kabiri Mugambazi FC niyo yegukanye icyo gikombe.

1989-1990 : Muri diviziyo ya mbere Egena FC niyo yegukanye icyo gikombe.(Reba ifoto)

egenacoupe1990

Stade Amahoro-Remera taliki ya 28/01/1990, uwari Perefe wa Kigali BAGAMBIKI Emmanuel ahereza igikombe Kapiteni w’ikipe ya Egena sport, ikipe yitwaye neza muri Shampiyona ya diviziyo ya mbere 1989. Abari i ruhande rwa Perefe ni Lt Col. BEM NDINDILIYIMANA Augustin wari Ministre w’urubyiruko na Lt Col. UWIHOREYE Charles wari vice-président wa Ferwafa.

Muri diviziyo ya kabiri ikipe ya Mugambazi FC niyo yegukanye icyo gikombe. (Reba ifoto)

mugambazicoupe1990

Stade Amahoro-Remera taliki ya 28/01/1990, Lt Col UWIHOREYE Charles icyo gihe vice-président wa Ferwafa, ahereza igikombe Kapiteni w’ikipe ya Mugambazi sport, ikipe yitwaye neza muri Shampiyona ya diviziyo ya kabiri 1989.

7. Igikombe “Trophée Papa Jean Paul II”

1990

Ni igikombe cy’irushanwa ryari ryateguwe kubera kwizihiza uruzinduko Papa Yohani Paulo wa 2 yagiriye mu Rwanda kuva taliki ya 7 kugera taliki ya 9 z’ukwezi kwa 9 mu mwaka w’1990.

Icyo gikombe cyatwawe n’ikipe ya Panthère noires itsinze iya Mukura Victory Sport ibitego 2 ku busa kuri Stade Amahoro i Remera.(Reba amafoto).

coupepapa1990

Papa Yohani Paulo wa 2, yishimiye guhereza igikombe MUNYANKINDI Elie Kapiteni wa Panthères-Noires

coupepapa1990a

Stade Amahoro-Remera Nzeri 1990, Papa Yohani Pawulo wa 2, ufashe igikombe ni Dr. NDAGIJIMANA Emmanuel wari Prezida wa Ferwafa, iruhande rwe ni Col. NSHIZIRUNGU wari Prezida wa Panthères-Noires

coupepapa1990b

Musenyeri na Papa Yohani Pawulo wa 2, bashimira abakinnyi ba Panthères noires: uhereye ibumoso ugana iburyo ni Munyankindi Elie, VITA Abdallahaman, MUHIRE Eugène na DUSABEYEZU Eustache.

Reba hasi andi mafoto anyuranye y’icyo gikombe

coupepapa1990d coupepapa1990e coupepapa1990f coupepapa1990g coupepapa1990h

8. Igikombe “Kwibuka”

1998 : Ikipe ya Mukura niyo yegukanye icyo gikombe itsinze Rayon Sport ibitego 2 kuri 1

1999 : Ikipe ya Mukura niyo yegukanye icyo gikombe.

2000 :

2001 :

2002 : Ikipe ya Mukura niyo yegukanye icyo gikombe itsinze Rayon Sport igitego 1 kuri 0.

2003 :

2004 :

9. Igikombe “Supanet”

1998 : Ikipe ya Mukura niyo yegukanye icyo gikombe itsinze Rayon Sport ibitego 2 kuri 1.

10. Igikombe “Kalinda Viateur”

kalindaviateur kalindaviateur

Mbibutse ko uyu KALINDA Viateur watuvuyemo muri 1994, yari umunyamakuru kabuhariwe wogezaga neza cyane umupira kuri Radio Rwanda ku buryo abantu bawukurikiranaga neza ku ma radiyo bawurebesha  amatwi yabo !!

Buri wa mbere w’icyumweru, saa moya n’igice za nimugoroba yatugezagaho kandi ikiganiro kiryoshye cyitwaga “URUBUGA RW’IMIKINO”.

2001 : APR FC niyo yegukanye icyi gikombe.

Tanga igitekerezo na Facebook

Tanga igitekerezo