Amakipe yose yarangije gutanga intonde z’abakinnyi

Amakipe 14 azakina shampiyona y’icyiciro cya mbere mu Rwanda  yose yarangije gutanga  ibyangombwa by’abakinnyi azakinisha muri shampiyona ya 2014-2015.

Amakipe yose yamenyeshejwe mu kwezi gushize ko batagomba kurenza tariki ya 07/10/2014 bataratanga ibyangombwa byose by’abakinnyi bazakinisha mu mwaka wa shampiyona wa 2014/15 uzatangira tariki ya 18/10/2014.

Mu byangombwa byatanzwe, ikipe ya Rayon Sports yatanze urutonde rw’abakinnyi 28 bazifashisha muri shampiyona y’umwaka utaha.Ikipe ya Gicumbi yo izakinisha abakinnyi 26; Etincelles izakinisha bakinnyi 25; Police ifite abakinnyi 25; Mukura Victory Sport et Loisirs yatanze urutonde ruriho abakinnyi 29; Amagaju Fc izakinisha abakinnyi 28; Kiyovu Sports izakinisha abakinnyi 29 naho Sunrise Fc yatanze urutonde rw’abakinnyi 29.

ferwafalogo

Andi makipe nka Marines FC izakinisha abakinnyi 30; Musanze ifite abakinnyi 29; Espoir ifite abakinnyi 27; APR ifite igikombe cya shampiyona izakinisha abakinnyi 30; AS Kigali yo ifite abakinnyi 28 mu gihe Isonga FC yo ifite abakinnyi 25 izakinisha muri uyu mwaka wa shampiyona.

Nyuma yaho amakipe atangiye ibyangombwa by’abakinnyi bayo, FERWAFA izaha uruhushya rwo gukina ku bakinnyi bujuje ibisabwa, bivuze yuko umukinnyi wese ufite ikibazo nta ruhushya azahabwa rwo gukinira ikipe yamutanze mu gihe atujuje ibyangombwa byasabwe.

Ku bakinnyi barebwa n’ikibazo cy’ubwenegihugu no guhinduranya amazina, ibyabo bizashyirwa ahagaragara mu mpera z’icyumweru gitaha n’akanama kabishinzwe.

Tanga igitekerezo na Facebook

Tanga igitekerezo