Amagaju yandagaje Espoir,Mukura inganya na Gicumbi

Yanditswe na Rwanda Football ku wa 05.02.2015 saa 09:00 | Yasuwe : 1,066

Nyuma y’imikino y’igikombe cya Prudence ,imikino ya shampiyona yakomeje kuri uyu wa gatatu taliki ya 04.02.2015o

Ikipe y’Amagaju nyuma kunganya na Rayon Sports igitego 1-1 ku munsi wa 14 , uyu munsi yihereranye  Espoir iyisanze iwayo iyitsinda  ibitego 5-1 ihita ifata umwanya wa  kane mu gihe Mukura VS yanganyije na Gicumbi 1-1 naho Etincelles itsinda Musanze FC 1-0.

Espoir yari yatangiye neza imikino yo kwishyura itsinda Mukura VS igitego 1-0 yakiriye Amagaju yo yari yanganyije na Rayon Sports igitego 1-1. Muhindo Jean Pierre yatsindiye Amagaju ibitego bitatu muri uyu mukino naho Mumbele Claude atsinda bibiri.

Ni ku nshuro ya kabiri kuva iyi shampiyona igeze ku munsi wa 15 ibonetsemo umukinnyi utsinda ibitego bitatu mu mukino umwe nyuma ya Tuyisenge Jacques wa Police FC batsinda Kiyovu Sports ibitego 5-0 ku munsi wa kabiri wa shampiyona.Igitego cy’impozamarira cya Espoir cyatsinzwe na Nibagwire Deo.

Musanze FC yari yatsinze APR FC igitego 1-0 yatsindiwe kuri Tam Tam na Etincelles igitego 1-0 cya Chimanga Papy.

mukuragicumbi15

I Gicumbi, Mukura VS yanganyinije na Gicumbi igitego 1-1. Gakuru Jean Claude wa MVS yatsinze igitego ku munota wa 55 cyishyurwa na Uwingabire Olivier ku munota wa 88 ku makosa y’umunyezamu Niziyeimana Alphonse utafashe umupira ngo awkomeze Uwingabire Olivier aragombora.

Indi mikino yagombaga gukinwa kuri uyu mukino wa shampiyona nk’uwa Sunrise na Marines i Rwamagana wasubitswe kubera urupfu rwa Ntagwabira Jean Marie wari umuyobozi wa tekiniki.

Imikino ya APR FC vs AS Kigali, Kiyovu Sports vs Police FC na Rayon Sports vs Isonga yasubitswe nyuma y’aho amakipe yakinnye Prudence Tournament agaragaje impungenge z’umunaniro.

Rayon Sports yavuye ku mwanya wa gatanu ibisikana na Amagaju ya kane n’amanota 23, Gicumbi ya gatandatu (21), Espoir yagumye ku mwanya wa munani, Etincelles iracyari iya 13 n’amanota 14.

Umunsi wa 16 wa shampiyona

Kuwa Gatandatu, tariki ya 7 Gashyantare 2015

Mukura vs Kiyovu Sports

Marines vs AS Kigali

Isonga vs Espoir

Amagaju vs Gicumbi

Ku Cyumweru, tariki ya 8 Gashyantare 2015

Etincelles vs APR FC

Police FC vs Sunrise

Musanze vs Rayon Sports

 

 

Tanga igitekerezo na Facebook

Tanga igitekerezo