Agahimbazamusyi k’ abakinnyi b’ikipe y’igihugu mu mupira w’amaguru kavuguruwe

Yanditswe na Admin ku wa 10.06.2015 saa 21:46 | Yasuwe : 1,475

Minisiteri y’ Umuco na Siporo yakoze ivugurura rikomeye ku gahimbazamusyi kahabwaga abakinnyi n’abaherekeje b’ ikipe y’ igihugu Amavubi .

Abo bose bazajya bahabwa miliyoni imwe y’ amafaranga y’ u Rwanda ku mukino batsinze mu mikino y’ amajonjora y’ igikombe cy’ Afurika n’ Isi, mu gihe bahabwaga aruta ayo .

Ubusanzwe umukinnyi w’ ikipe y’ igihugu yahabwa amafaranga angina n’ amadorali y’ Amerika 1500 ni ukuvuga angana gato miliyoni y’ amafaranga y’ u Rwanda ku mukino batsinze uwo ariwo wose, hakiyongeraho amadorali 700 y’ urugendo na 300 bahabwaga bakimara guhamagarwa, bivuze ko iyo batsindaga umukinnyi yagezaga ku 2000 by’ amadorali, angina na milioni 1 n’ ibihumbi bisaga 400 y’ u Rwanda.

amavubis14

Ibi rero siko bizakomeza gukorwa kuko agahimbazamusyi kazajya gatangwa bikurikije irushanwa bakinnye. Mu mikino nka CECAFA, abakinnyi bazajya bahabwa ibihumbi 500 FRW ku mukino batsinze kuva muri ¼ cy’irangiza.

Mu marushanwa y’ igikombe cy’ Afurika n’ igikombe cy’ Isi, umukinnyi umwe azajya ahabwa miliyoni imwe ku mukino batsinze. Ku ikipe y’ abatarengeje imyaka 20 bazajya bo bahabwa mu ibihumbi 500 n’aho mu batarengeje imyaka 17 bahabwe ibihumbi 200 by’ amafaranga y’ u Rwanda, ku mukino batsinze .

Mu mikino ya gicuti iyo ariyo yose, umukinnyi w’Amavubi azajya ahabwa ibihumbi 500 ku mukino batsinze, abatarengeje imyaka 20 babone ibihumbi 300 naho aba 17 babone ibihumbi 150 by’ amafaranga y’ u Rwanda.

Mu gihe ikipe y’igihugu y’umupira w’amaguru yaramuka itwaye igikombe cy’Afurika mu byiciro byose cyangwa CHAN izabera mu Rwanda mu 2016 buri mukinnyi yahabwa miliyoni 5 z’ amafaranga y’ u Rwanda.

Tanga igitekerezo na Facebook

Tanga igitekerezo