AFCON 2017 : Amavubi yatsindiye Mozambique iwayo

Yanditswe na Admin ku wa 14.06.2015 saa 20:36 | Yasuwe : 1,266

Kuri iki cyumweru tariki ya 14 Kamena 2015 ,ikipe y’igihugu y’umupira w’amaguru mu Rwanda  Amavubi yatsindiye iwayo igihugu cya Mozambique igitego kimwe ku busa mu mu mukino wa mbere w’itsinda H wabereye kuri Sitade ya Zimpeto mu mujyi wa Maputo.

Ikipe y’igihugu y’u Rwanda Amavubi yatangiye yitwara neza mu majonjora yo gushaka itike y’igikombe cya Afurika cy’amakipe cy’ibihugu kizabera mu mwaka wa 2017 muri Gabon.

Igitego kimwe rukumbi cy’u Rwanda cyabonetse mu munota wa gatatu gitsinzwe na Sugira Ernest ku mupira yari ahawe na Jacques Tuyisenge.

Nyuma yo kubona icyi igitego, ba myugariro b’ikipe y’igihugu bagizwe na Michel Rusheshangoga, Emery Bayisenge, Faustin Usengimana na Abouba Sibomana baje kubyitwaramo neza bazibira uburyo butandukanye bwa Elias Pelembe Domingues, Josemar Machaisse Josemar na Clesio Bauque Clesio.

rwanamoz

Iminota mike ngo igice cya mbere kirangire, umunyezamu Eric Ndayishimiye yaje kugira ikibazo cy’umutsi w’ikibero bituma asimburwa na Olivier Kwizera waje kubyitwaramo neza dore ko nawe yakoze akazi katoroshye mu gice cya kabiri akuramo imipira myinshi mu gihe Mozambique yari yokeje igitutu ikipe y’igihugu Amavubi ishaka kwishyura.

Mu rwego rwo kongeramo ingufu mu bakinnyi bo hagati, umutoza Jonathan McKinstry yazanye Djihad Bizimana mu mwanya wa Jacques Tuyisenge. Kuza kwa Bizimana byafashije Amavubi gutangira kugera imbere y’izamu rya Mozambique ku buryo Iranzi Jean Claude na Yannick Mukunzi baje kubona uburyo bubiri bwiza bwo gutsinda ariko ntibashoboye kububyaza umusaruro.

Iyi ntsinzi yafashije u Rwanda gutangira neza aya majonjora yo gushaka itike yo gukina imikino yanyuma y’igikombe cy’Afurika cya 2017.U Rwanda rwaherukaga gutsindira hanze mu marushanwa mu mwaka wa 2011.

Umutoza Jonathan McKinstry yagize ati, “Abakinnyi bakoze akazi keza cyane kandi babyitwaramo neza. Gutsinda ikipe ya Mozambique igitego 1-0 n’intangiriro nziza ariko akazi gakomeye karacyakomeza.Ndashimira abafana baje gushyigikira ikipe yacu. Akazi bakoze twagashimye kuko byongereye ingufu abakinnyi bacu.”

Undi mukino w’itsinda H wahuje Ghana na Ile Maurice warangiye abasore b’umutoza Avram Grant batsinze ibitego 7-1.Ibitego bya Ghana byatsinzwe na Jordan Ayew watsinze bibiri, Asamoah Gyan bibiri, Christian Atsu, Jeffrey Schlupp na David Accam mu gihe igitego rukumbi cyaIle  Maurice cyatsinzwe na Sophie.

Itsinda H riyobowe na Ghana n’amanota 3 izigamye ibitego 6 mu gihe u Rwanda ruzigamye igitego kimwe nyuma yo gutsinda Mozambique igitego 1-0.

DSC_4948
Abakinnyi b’Amavubi babanje mu kibuga kuri uwo mukino :
Umuzamu: Eric Ndayishimiye bita Bakame.

Ba myugariro: Michel Rusheshangoga, Emery Bayisenge, Faustin Usengimana ndetse na Abouba Sibomana.

Abakina hagati: Haruna Niyonzima, Jean Baptiste Mugiraneza, Yannick Mukunzi, Jean Claude Iranzi na Tuyisenge Jacques.

Rutahizamu: Sugira Ernest.

Umukino wa kabiri w’itsinda H uzaba tariki ya 5/09/2015 I Kigali mu gihe Mozambique izakina na Mauritius.

Ikipe y’igihugu iragaruka mu Rwanda mw’ijoro ryo kuwa mbere (Kuwa Kabiri saa 01:00am) na Ethiopian Airlines.

Imikino yakinwe ku cyumweru :
Ghana 7-1 Mauritius
Mozambique 0-1 Rwanda
Cameroon 0-1 Mauritania
DR Congo 2-1 Madagascar
Togo 2-1 Liberia
Congo 1-1 Kenya
Equatorial Guinea 1-1 Benin
Ethiopia 2-1 Lesotho
Niger 1-0 Namibia
Gabon 0-0 Ivory Coast
Egypt 3-0 Tanzania
Sudan 1-0 Sierra Leone

Amakipe agize itsinda H ni Amavubi, Mozambique, Ghana na Seychelles akaba agomba kwishakamo izabona itike y’igikombe cy’Afurika.

Amavubi azongera gukina umukino wo mu itsinda ryayo ubwo azaba akina na Ghana hagati y’itariki ya 4 na 6 Nzeri 2015.

Mbere y’uko aba bakinnyi berekeza muri Mozambique Minisiteri ya Siporo n’Umuco (MINISPOC) yari yabemereye ko nibatsinda buri mukinnyi azagenerwa igihumbi cy’amadolari y’ishimwe (prime).

Dore uko byari byifashe mu mafoto :

 

Tanga igitekerezo na Facebook

Tanga igitekerezo