Abatoza bakomeje guhinduranya amakipe

Yanditswe na Rwanda Football ku wa 12.07.2014 saa 09:41 | Yasuwe : 1,296

Muri kino gihe amakipe yose yo mu Rwanda ari kwitegura shampiyona y’umwaka utaha , ubu yose ari gushaka kwiyubaka.

Ni muri urwo rwego ubu ari gushakisha abakinnyi ndetse n’abatoza  bamwe bakaba bakomeje kurambagizwa n’amakipe atandukanye.

abatoza

Police FC

Uwari umutoza w’ikipe ya Police FC ukomoka mu gihugu cy’u Bugande Sam Ssimbwa we yaraye atangaje ko yeguye ku mirimo yo gutoza iyo kipe.Nkuko bitangazwa n’munyamabanga mukuru wa Police FC akaba n’umuvugizi wayo SP Mayira Jean de Dieu, kuri uyu wa gatanu nibwoSsimbwa yabagejejeho ibaruwa yegura ku kazi ke.

SP Mayira yavuze ko Ssimbwa yeguye ku mpamvu ze bwite, akaba ngo yari amaze igihe asaba kenshi uruhushya rwo gutaha (muri Uganda) akagaruka ku mpamvu ze bwite.Mu ibaruwa yandikiye ubuyobozi bwa Police FC, uyu mutoza ngo yasobanuye ko yifuza kujya iwabo gukurikirana ibibazo bimureba.Hashize umwaka umwe Sam Ssimbwa atoza ikipe ya Police FC. Yaje gusimbura umunya Seribiya Goran Kopunovic wasezerewe mu kwezi kwa karindwi umwaka ushize.

Nkuko Mayira yabitangaje, Police Fc igiye kureba niba babona umutoza umusimbura mu gihe gisigaye ngo bitabire aya marushanwa.Ssimbwa wari ushigaze umwaka umwe ku masezerano yari afitanye na Police yigeze gutoza ikipe ya Atraco.Hari amakuru avugako umutoza Cassa wari muri As Kigali ari kuganira na Police FC

PoliceFC  iri mw’itsinda C rya Cecafa Kagame Cup izabera hano mu Rwanda uno mwaka  aho izahura na Vital’O (Burundi), El merreikh (Sudan) na Benadir yo muri Somalia.

Kiyovu Sports

Ikipe ya Kiyovu Sports yo yasinyishije Eric Nshimiyimana nk’umutoza mushya uzayitoza mu mwaka wa shampiyona wa 2014/15 uteganyijwe kuzatangira mu mpera z’ukwezi kwa cyenda. Nshimiyimana wahoze atoza ikipe y’igihugu Amavubi yari amaze iminsi ari mu biganiro n’ubuyobozi bw’ikipe ya Kiyovu Sports nyuma yaho amasezerano ye n’ikipe y’Amavubi arangiye mu kwezi kwa gatanu uyu mwaka. Nshimiyimana agiye muri Kiyovu Sport asimbuye Gilbert Yaounde Kanyankore wasubiye mw’ikipe ya Vital’O yo mu gihugu cy’Uburundi.

Musanze FC

Andi makipe yabonye abatoza bashya ni ; Musanze yasinyishije umutoza Godfroid Okoko avuye muri ikipe y’Amagaju.

Amagaju FC

Umutoza Bizimana Abdou bakuze kwita Beken yasubiye muri ikipe y’Amagaju avuye muri Etincelles.

Mukura & Gicumbi 

Andi makipe nka Gicumbi na Mukura nabo yabonye abatoza bashya aribo Emmanuel Ruremesha na Jean Baptista Kayiranga mugihe amakipe akomeje kwitegura shampiyona y’icyiciro cya mbere izatangira mu meze ari imbere.

Tanga igitekerezo na Facebook

One thought on “Abatoza bakomeje guhinduranya amakipe

Tanga igitekerezo