Abasifuzi basifuye nabi muri shampiyona ishize barahanwe

Yanditswe na Admin ku wa 07.06.2015 saa 23:17 | Yasuwe : 734

Abasifuzi babiri basifura icyiciro cya mbere umupira w’amaguru mu Rwanda bahanwe bazira ko bitwaye nabi mu kibuga ubwo bakoraga akazi kabo. Abo ni Twagiramukiza Abdulkarim yahagaritswe imikino 12 na Bwiriza Nonath wahagaritswe imikino itandatu.

Rurangirwa Aron uyobora Komisiyo y’imisufurire mu Rwanda yatangaje ko imifurire muri uyu mwaka wa shampiyona ushize yagenze neza nubwo ngo ntabyera ngo de!

Rurangirwa yagize ati: “Imisifurire twavuga ko yagenze neza muri rusange ariko ntiwakwirengagiza ko hari n’udukosa twagaragayemo kandi n’abasifuzi twarabahannye ndetse n’ibihano ndetse ubu bari hafi kurangiza ibighano byabo.”

abasifuzi

Abajijwe impamvu yatumye abahanwe badatangazwa nyamara mu bihugu byateye imbere ho iyo umusifuzi ahanwe bitangazwa, asubiza ko nta mpamvu ni imwe ibabuza kubitangaza.Ati: “Nta tegeko rwose ritubuza gutangaza amazina y’abasifuzi bagaragayeho kwibeshya mu buryo buri tekiniki.”

Rurangirwa yongeraho ko abasifuzi badahanwa na Komisiyo ishinzwe imyitwarire (Displine) ahubwo ngo bahanwa na Komisiyo ishinzwe abasifuzi. Ati: “Kubirebana n’amakosa ari tekiniki twe abasifuzi ntiduhanwa n’abashinzwe imyitwarire kuko nta kosa ry’imyitwarire tuba twishe ahubwo duhanwa na komisiyo y’abasifuzi kubera amakosa ari tekiniki (Erreurs techniques).”

Aaron avuga ko Twagiramukiza Abdulkarim yahanishijwe kudasifura imikino 12 azira amakosa tekiniki yakoze mu mukino runaka yasifuye mu minsi yashize. Avuga ko undi wahanwe nawe yitwa Bwiriza Nonath ahagarikwa imikino itandatu adasifura nawe azira amakosa tekiniki yakoze mu mukino.

Mu minsi yashize hagaragaye abatoza bahanwa bazira kwinubira imisifurire ndetse n’abakunzi b’umupira bakibaza impamvu abatoza bahanwa bagatangazwa ariko abasifuzi bo ntibatangazwe.

Tanga igitekerezo na Facebook

Tanga igitekerezo