Abanyarwanda nibo bazasifura umukino wa Niger na Zambia

Yanditswe na Admin ku wa 08.10.2014 saa 12:04 | Yasuwe : 813

Abasifuzi bane mpuzamahanga b’Abanyarwanda  nibo bazasifura umukino uzahuza Niger na Zambia mu mukino wo gushaka tike yo gukina amajonjora y’igikombe cy’Afurika kizabera muri Maroc umwaka utaha.

Uyu mukino w’itsinda F uzahuza Niger na Zambia uzaba tariki 11/10/2014 kuri Stade ya General Seyni Kountche in Niamey muri Niger saa 16h00.

Umukino uzayoborwa na Hudu Munyemana kandi azaba afashijwe na Felicien Kabanda nk’umusifuzi wo ku ruhande w’ambere naho Theogene Ndagijimana azaba ari umusifuzi wa kabiri wo ku ruhande.

hudukagabo2

Issa Kagabo na Hudu Munyemana

Issa Kagabo n’umusifuzi wa kane naho komiseri w’umukino azaba ari Essameldin Abdel Fattah Abdel ukomoka muri Misiri.

Iri tsinda ry’abasifuzi b’abanyarwanda ryekeje I Niamey mu gitondo cyo kuri uyu wa gatatu.Zambia yerekeje I Niger aho igiye gushaka itsinzi y’ayo y’ambere. Ikipe ya Zambia itozwa na Honour Janza ifite inota rimwe mu mukino ibiri kandi bakaba bari ku mwanya wa gatatu mw’itsinda F riyobowe na Cape verde ifite amanota 6.

Mozambique iri ku mwanya wa kabiri n’amanota abiri; Zambia ikaza ku mwanya wa gatatu n’amanota abiri naho Niger iri ku mwanya wa nyuma n’inota rimwe.

Abandi basifuzi batatu barimo Louis Hakizimana, Simba Honore na Jean Bosco Niyitegeka bazasifura umukino mpuzamahanga wa gicuti uzahuza Tanzania na Benin I Dar es Salaam tariki 12/10/2014.

Tanga igitekerezo na Facebook

Tanga igitekerezo