Abakinnyi bahamagawe gutegura umukino wa Somaliya

Urutonde rw’ikipe y’igihugu y’abatarengeje imyaka 23 rwatangajwe kuri uyu wa gatanu n’umutoza Johnny McKinstry. Iyi kipe y’abakinnyi 25 igomba kwitegura umukino na Somalia uzakinwa tariki 27 Mata 2015 mu ijonjora ry’ibanze ry’imikino Olempike.

Mu ikipe yahamagawe APR FC ifitemo abakinnyi umunani, Rayon Sports batanu, AS Kigali batatu, Isonga FC umwe, Police umwe, Mukura umwe, Mrines FC umwe, Gicumbi FC umwe.

Muri iyi kipe hahamagawe umusore Bienvenue Mugenzi ukinira ikipe ya Marines FC ufite ibitego umunani mu mikino 20 amaze gukina. Hahamagawemo kandi abakinnyi bakina hanze y’u Rwanda barimo Bon Fils Kabanda ukinira ikipe ya Sangiovannesse mu Butaliyani na myugariro Salomon Nirisalike ukina mu ikipe ya Saint Trond mu Bubiligi.

amavubi15

Alfred Mugabo ukinira ikipe ya West Bromwhich Albion mu Bwongereza ntabwo yahamagawe, umutoza McKinstry yasobanuye ko ari uko uyu musore atari ku rwego rwiza kuko amaze igihe adakina.

Hagati ya Somalia n’u Rwanda izatsinda izahura na Uganda, hagati ya Uganda n’iyo bizakina izatsinda izahura na Misiri mu kiciro cya nyuma cy’amajonjora, itsinze ijye mu gikombe cya Africa i Kinshasa mu Ukuboza 2015. Aha niho hazava amakipe atatu ya mbere azakina imikino ya Olempike izabera muri Brazil mu 2016.

Abakinnyi bahamagawe bazatangira imyitozo ku cyumweru tariki 19 Mata ni;

Abanyezamu:
Kimenyi Yves  (APR)
Nzarora Marcel (Police FC)
Kwizera Olivier (APR FC)

Abakinnyi bakina inyuma:
Bayisenge Emery (APR FC)
Mutijima Janvier (As Kigali)
Imanishimwe Emmanuel (Rayon Sports)
Faustin Usengimana (Rayon Sports)
Rugwiro Herve (APR FC)
Rusheshangoga Michel (APR FC)
Ndayishimiye Celestin (Mukura VS)
Salomon Nirisarike (Saint-Trond)

Abo hagati:
Ndatimana Robert  (Rayon Sports)
Kabanda Bonfils (ASD Sangiovannese)
Muhire Kevin (Isonga)
Mukunzi Yannick  (APR FC)
Bizimana Djihad (Rayon Sports)
Buteera Andrew (APR FC)

Abasatira:
Nshuti Domonique Savio (Isonga)
Songa Isae  (As Kigali)
Mico Justin (AS Kigali)
Muvandimwe Jean Marie (Gicumbi FC)
Muganza Isaac (Rayon Sports)
Iradukunda Bertland (APR FC)
Mugenzi Bienvenu (Marines)

Tanga igitekerezo na Facebook

Tanga igitekerezo