Abakinnyi ba Rayon Sports bahawe macye basubira mu myitozo

Nyuma yo gufata icyemezo gisharira cyo guhagarika imyitozo kubera imishahara y’amezi abiri ubuyobozi bwa Rayon Sports bubereyomo abakinnyi,kuri uyu wa gatanu ubuyobozi  bwabahaye make mu yo bubagomba bemera kugaruka mu myitozo.

Ukuyemo Jean Marie Vianney abandi bakinnyi ba Rayon Sports 24 bari biyemeje ko niba ubuyobozi butabishyuye ibirarane nabo batazongera gukandagiza ikirenge cyabo mu kibuga .

Uyu mwanzuro abasore b’umutoza Kayiranga bawufashe nyuma yo kunyagira ikipe ya SEC ibitego 6-0 mu mukino wa 1/8 cy’igikombe cy’Amahoro.

rayon-sports-9

Umwe mu bakinnyi b’iyi kipe waganiriye n’ikinyamakuru Ruhago Yacu dukesha iyi nkuru yagize ati, ” Baturimo ibirarane by’amezi 2, bataduhemba amafaranga yacu. Uku kwezi kwa 6 nikwiyongeramo, araba abaye amezi 3. Turamutse tuvuyemo igikombe cy’amahoro kitararangira, ntabwo bazatwishyura.”

Icyemezo cy’abakinnyi ba gikundiro bagishyikirije ubuyobozi bw’ikipe mu nyandiko iriho imikono y’abo bose nkuko turukesha ikinyamakuru Ruhagoyacu

urwandiko

Amakuru atugeraho aravuga ko abo bakinnyi bamaze guhabwa amafaranga y’ukwezi kumwe kugira ngo basubire mu myitozo dore ko banafite umukino wa 1/4 w’igikombe cy’amahoro kuri iki cyumweru

Muri Rayon Sports hakomeje kuvugwamo ibibazo uruhuri,usibye ibirarane by’abakinnyi haravugwamo n’abakinnyi batarongererwa amasezerano ndetse n’abandi bakomeje kuyivamo umusubirizo.

Kuri iki cyumweru ikipe ya Rayons Sport ifite umukino wa 1/4 mu gikombe cy’amahoro uyihuza na Etincielle.

 

Tanga igitekerezo na Facebook

Tanga igitekerezo