Abakinnyi 29 bahamagawe na McKinstry kwitegura Mozambique

Umutoza w’ikipe y’igihugu Amavubi, Jonathan McKinstry yahamagaye abakinnyi 29 azifashisha mu myiteguro y’umukino w’amajonjora y’igikombe cy’afurika cya 2017 azahuza U Rwanda na Mozambique tariki ya 14/06/2015 i Maputo.

Abakinnyi bose bahamagawe basabwe kugera aho umwiherero uzabera kuri Hotel La Palisse i Nyandungu kuri uyu wa kane tariki 04/06/2015.

Mu bakinnyi bahamagawe harimo abakinnyi batatu bakina hanze y’u Rwanda bayobowe na kapiteni Haruna Niyonzima (Young Africans, Tanzania), Abouba Sibomana (Gor Mahia, Kenya) na Elias Uzamukunda (ASF Anderieux-France).

Abandi bakinnyi basigaye bakina mu makipe y’u Rwanda kandi abenshi bakaba bamaze iminsi bakina imikino y’amajonjora yo gushaka itike yo gukina imikino y’igikombe cy’Afurika cy’abatarengeje imyaka 23.

rwandasenior

Ikipe y’u Rwanda izakina irushanwa ryo kwibuka riteganyijwe mu mpera z’cyi cyumweru kuri Sitade Amahoro. U Rwanda ruzahura na South Sudan hanyuma Tanzania ihure na Kenya kuwa gatandatu hanyuma amakipe azatsinda azahura mu mukino wanyuma ku cyumweru.

U Rwanda ruzakina na Mozambique I Maputo mu mukino wa mbere w’itsinda H mu cyumweru gitaha hanyuma umukino wa kabiri uzahuza U Rwanda na Ghana I Kigali mu kwezi kwa cyenda.

Abakinnyi 29 bahamagawe :

Eric Ndayishimiye (Rayon Sports), Olivier Kwizera (APR), Emery Mvuyekure (Police), Marcel Nzarora (Police), Emery Bayisenge (APR), Ismail Nshutiyamagara (APR), Faustin Usengimana (Rayon Sport), Fitina Ombolenga (SC Kiyovu), Eric Rutanga (APR), Abouba Sibomana (Gor Mahia-Kenya), Herve Rugwiro (APR), Michel Rusheshangoga (APR),Jean Baptista Mugiraneza (APR), Yannick Mukunzi (APR), Djihad Bizimana (Rayon Sport), Robert Ndatimana (Rayon Sports), Haruna Niyonzima (Young Africans-Tanzania), Kevin Muhire (Isonga), Andrew Buteera (APR), Jean Claude Iranzi (APR), Jean Marie Safari (Gicumbi),Dominique Savio Nshuti (Isonga), Jacques Tuyisenge (Police), Bertrand Iradukunda (APR), Michel Ndahinduka (APR), Isaie Songa (AS Kigali), Ernest Sugira (AS Kigali), Antoine Ndayishimiye (Gicumbi) na Elias Uzamukunda (ASF Anderieux-France).

Tanga igitekerezo na Facebook

Tanga igitekerezo