Abakinnyi 28 bazakina nk’abanyamahanga muri shampiyona

Yanditswe na Rwanda Football ku wa 15.10.2014 saa 20:07 | Yasuwe : 551

Abakinnyi 28 bakina mu cyiciro cya mbere mu Rwanda nibo bamaze kwemezwa ko bazakina nk’abanyamahanga nyuma yaho akanama gashinzwe gukurikirana imyirondoro gasanze aba bakinnyi bafite ibibazo birebana no guhindurirwa ibyangombwa ndeste n’amazina.

Ibi byatangajwe na perezida w’aka kanama, Bwana Albert Mwanafunzi mu kiganiro yagiranye n’itangazamakuru kuri uyu wa gatatu ku cyicaro cya federasiyo I Remera.

“Mu bakinnyi 395 biyandikishije gukina muri shampiyona y’umwaka wa 2014/15, twakoranye n’inzego za Leta zishinzwe gutanga imyirondoro ndeste n’abanjira n’abasohoka, dusanga abakinnyi 28 aribo bafite ibibazo,”

“Akazi kacu nikararangira kuko ejo n’ejo bundi dushobora kubona ibindi bimenyesto ku bakinnyi basigaye ariko kugeza uyu munsi abakinnyi 28 nibo bafite ibibazo kandi bazahabwa impushya zo gukina muri shampiyona nk’abanyamahanga.”

abanyamahanga

Mwanafunzi yongeyeho ko abakinnyi bigeze gukinira ikipe y’igihugu nkuru, Amavubi bazafashwa kubona ubwenegihugu ariko babanje gutera intabwe ya mbere bakabusaba ku giti cyabo.

“Twe nka Ferwafa tuzabavuganira kuko bafite icyo bamariye igihugu. Aba bakinnyi nibasabe ubwenegihugu ku rwego rwa Leta rubishinzwe hanyuma ubuyobozi buzakora ibishoboka byose kugirango ibavuganire,”

Aka kanama kashikirizwa umuyobozi w’inteko rusange raporo y’ibikorwa kamaze iminsi gakora, irimo n’urutonde rw’aba bakinnyi. Shampiyona y’umwaka wa 2014-15 iratangira kuri uyu wa gatandatu.

Urutonde rw’abakinnyi bafite ibibazo ku myirondoro yabo:

Peter Otema (Peter Kagabo)-Rayon Sports, Moussa Ndusha (Moussa Habimana)-Police , Claude Mumbere Saiba-Amagaju, Mukamba Jean Baptiste-Amagaju, Kauma Charles (Kawuma Charles)-Sunrise, Nyango Ombeni (Muyango Ombeni)-Mukura VS, Ndayegamiye Abou-Mukura VS, Cyiza Mugabo Hussein-Mukura VS, Niyonzima Ally-Mukura VS,Shamiru Batte-AS Kigali, Tahata Hussein (Sibomana Hussein)-AS Kigali, Kizosi Rodrique (Murengezi Rodrique)-Musanze, Ndikumana Hamad-Espoir, Irakoze Ibrahim Nasser-Espoir,Muderhwa Balolebwami Janvier (Elias Ntaganda)-Espoir, Said Abed Makasi-Espoir, Keita Moninga Walusambo (Kayumba Emmanuel)-Espoir, Kakule Francis (Mutuyimana Moussa)-Police Fc, Ndayisenga Fuadi-Rayon Sports, Ilunga Arafat (Serugendo Arafat)-Rayon Sports, Muganza Isaac-Rayon Sports, Isaie Isonga-AS Kigali,Sina Jerome-Police Fc, Kambale Salita Gentil-Rayon Sports, Ngabonziza Albert-APR, Kayiranga Moussa Eric-Espoir na Ndayisenga Mbanyi-Sunrise

Tanga igitekerezo na Facebook

Tanga igitekerezo