Abakinnyi 26 bahamagawe mu mwiherero w’Amavubi uzabera muri Ecosse

Yanditswe na Admin ku wa 06.08.2015 saa 07:26 | Yasuwe : 1,651

Abakinnyi 26 ni bo bahamagawe mu kipe y’igihugu Amavubi n’umutoza Johnathan Brian McKinstry uri mu Bwongereza aho yagiye gutegura aho ikipe y’igihugu izacumbika.i Abo bakinnyi ni bo bagomba kwitabira imyitozo izabera aho mu Bwongereza.

Byari biteganijwe ko ikipe y’igihugu Amavubi izaba iri mu Bwongereza kuva tariki 2/08/2015, ariko kugeza ubu ikipe ntirabona ibyangombwa (VISAS) igitegereje bigomba guturuka muri ambasade y’u Bwongereza iri Pretoria muri Afurika y’epfo.

Abateguye iyo myitozo ari bo : umujyi wa East Lothian ,Komite olimpike yo mu Rwanda,na minisiteri ya siporo n’umuco, barakorana na ambasade y’u Bwongereza kugira ngo ibyo byangombwa (visas) biboneke maze ikipe y’igihugu ishobore kwitabira ayo mahugurwa.

Mu byumweru bibiri, ayo mahugurwa azafasha ikipe y’igihugu Amavubi kwitegura umukino uzayihuza n’ikipe ya Ghana ku itariki 5/09/2015,i Kigali. Uyu mukino ukazaba uri mu rwego rwo gushakisha itike yo kujya mu gikombe cya Afurika giteganijwe kuzaba muri 2017. Na none,azafasha ikipe y’igihugu kwitegura amarushanwa nyafurika ahuza amakipe y’igihugu y’abakinnyi bakina imbere mu gihugu(CHAN) ateganijwe kuzabera mu Rwanda muri 2016.

amavecosse15

Muri iyo myitozo,ikipe y’igihugu Amavubi irateganya kuzahura n’amakipe atandukanye nka : Edinburg University Select XI, Patrick Thistle Select XI ,n’andi makipe nka Celtic na Rangers football clubs.

Biteganyijwe ko nyuma yo kuva mu Bwongereza,ikipe y’igihugu Amavubi izakina na DR Congo i Kinshasa kuri 29/08/2015, mbere y’uko ihura na Ghana ,mu mikino ya gicuti iteganywa na FIFA.

Tariki 12/09/2015,i Kigali,hateganijwe umukino uzahuza ikipe y’igihugu Amavubi n’ikipe y’igihugu ya Gabon.Uyo mukino ukazaba uri mu rwego rwo kwitegura CHAN izabera hano mu Rwanda guhera tariki 18/01/2016 kugeza kuri 7/02/2016.

Abakinnyi bahamagawe :
Mu izamu :
Eric Ndayishimiye (Rayon), Olivier Kwizera (APR), Jean
Claude Ndori (APR) na Marcel Nzarora (Police)

Ba myugariro : Faustin Usengimana (Rayon), Herve Rugwiro (APR), Amani
Uwiringiyimana (Police), Ismael Nshutiyamagara (APR), Michel Rusheshangoga
(APR), Fitina Omborenga (SC Kiyovu), Eric Rutanga (APR) na Celestin
Ndayishimiye (Mukura).

Abakina hagati : Imran Nshimiyimana (Police), Yannick Mukunzi (APR), Djihad
Bizimana (APR), Mohammed Mushimiyimana (Police), Kevin Muhire (Rayon),
Andrew Butera (APR), Patrick Sibomana (APR), Jean Claude Iranzi (APR),
Jacques Tuyisenge (Police) na Dominique Savio Nshuti (Rayon)

Abasatira izamu : Isaie Songa (Police), Issa Bigirimana (APR), Michel Ndahinduka
(APR) na Ernest Sugira (AS Kigali).

Tanga igitekerezo na Facebook

Tanga igitekerezo