Abakinnyi 21 b’Amavubi berekeje muri Maroc

Yanditswe na Admin ku wa 12.11.2014 saa 16:42 | Yasuwe : 835

Kuri uyu wa gatatu umutoza Stephen Constantine yatangaje abakinnyi 21 berekeza muri Maroc mu mukino wa gicuti wa FIFA uzabahuza na Maroc kuri uyu wa Gatanu I Marrakech  kuri Sitade  ya Complexe Sportif de FES  saa moya .

Yatangaje kandi ko Ismael Nshutiyamagara na Jean Baptista Mugiraneza aribo bakinnyi baza bayoboye ikipe y’igihugu y’u  Rwanda

Mu bakinnyi bashya Constantine yahamagaye bagaragara  kuri rutonde rw’abakinnyi 21 ni; Danu Usengimana, Innocent Ndizeye, Kevin Muhire, Bertrand Iradukunda, Kalisa Rashid na Herve Rugwiro.

Umukino uzahuza Amavubi n’ikipe ya Maroc uraba ari uwa gatatu amakipe yombi agiye guhuramo mu mateka yayo. Mu mikino ibiri yabahuje mbere, buri kipe ikaba yaragiye itsinda umukino umwe yari yakiriye.

amavgabon14

Ubwo ikipe y’igihugu y’u Rwanda Amavubi yari yakiriye Maroc mu mukino wo gushaka itike yo kujya mu gikombe cy’isi cyabereye muri Afurika y’epfo mu 2010, ku wa 16 Kamena 2008, Amavubi akaba yarihereranye Maroc akayitsindira ibitego 3-1 kuri Sitade ya Kigali.

Maroc imaze kwitabira imikino y’igikombe cy’isi inshuro 4 zose mu mateka yayo, aho yabashije kurenga amatsinda inshuro imwe gusa, ikaba kandi imaze kwitabira igikombe cy’Afurika cy’ibihugu inshuro 15 kuva mu 1972 mu gihe Amavubi yacyitabiriye inshuro imwe gusa mu 2004.

Uyu niwo mukino wa mbere, Amavubi azaba akinye nyuma yaho CAF ihaniye U Rwanda, igakura iki gihugu mu majonjora yo gushaka tike yo gukina igikombe cya Afurika cya 2015 kubera gukinisha Dady Birori ukenkwaho kuba yari afite ubwenegihugu bubiri.

Amavubi ari ku mwanya wa 95 ku isi ku rutonde ngaruka kwezi rwa Fifa naho Morocco iri ku mwanya wa 88.

U Rwanda rukaba rwiteguye kwakira imikino y’Afurika ku bakinnyi bakina imbere mu gihugu (CHAN) izaba muri 2016.

Abakinnyi 21:: Jean Luc Ndayishimiye, Olivier Kwizera, Michel Rusheshangoga, Hamdan Bariyanga, Sibomana Abouba, Emery Bayisenge, Herve Rugwiro, Ismael Nshutiyamagara, Jean Paul Havugarurema, Jean Baptiste Mugiraneza, Rachid Kalisa, Kevin Muhire, Robert Ndatimana, Jean Claude Iranzi, Patrick Sibomana, Jacques Tuyisenge, Justin Mico, Bertrand Iradukunda, Ernest Sugira, Dany Usengimana, Innocent Ndizeye.

Tanga igitekerezo na Facebook

Tanga igitekerezo