Abakinnyi 18 berekeza muri Zambia kuri uyu wa Gatanu

Yanditswe na Admin ku wa 26.03.2015 saa 20:42 | Yasuwe : 997

Umutoza Jonathan McKinstry yamaze gutangaza abakinnyi 18 azifashisha ku mukino mpuzamahanga wa gicuti uzahuza ikipe y’igihugu y’u Rwanda na Zambia kuri iki Cyumweru kuri Heroes National Stadium i Lusaka.

Ikipe y’igihugu irerekeza I Lusaka kuri uyu wa gatanu saa 18:00 n’indege ya RwandAir Biteganyijwe ko izagera muri Zambiya i saa tatu n’iminota 45 z’ijoro (21h45’).

Uyu Mutoza uza kuba yungirijwe na Mashami Vincent afite intego yo kwitwara neza muri uyu mukino uzamufasha kurushaho kumenya neza abakinyi aza kugenda yitajwe.

Uyu mukino wa gicuti uzafasha u Rwanda kwitegura imikino ya CHAN izabera mu Rwanda mu ntangiriro z’umwaka utaha mu gihe kandi ku bakinnyi batarengeje imyaka 23 hateganyijwe imikino yo gushaka itike y’imikino Olimpike izabera i Rio de Janeiro muri Brezil, umwaka utaha.

Usibye gutegura CHAN, uyu mukino uzafasha n’abatoza b’ikipe y’igihugu kwitegura amajonjora y’igikombe cy’afurika ateganyijwe gutangira mu kwezi kwa karindwi ndeste n’amajonjora y’igikombe cy’isi cya 2018 agomba gutangira mu kwezi kwa cumi mbere y’uko U Rwanda rwakira irushanwa rya CHAN umwaka utaha.

amavubistz15a

Mu mikino irindwi yashoboye guhuza ibi bihugu byombi, u Rwanda rwatsinzemo umukino umwe, babasha kunganya imikino ibiri.U Rwanda rwashoboye kwihagararaho mu mukino uheruka guhuza amakipe yombi, wabaye ku itariki 14/11/2009, ubwo amakipe yombi yanganyirizaga i Kigali ubusa ku busa mu mukino wo kwishyura, hari mu gushaka itike y’igikombe cy’si cya 2010 cyabereye muri Afurika y’Epfo.Icyo gihe u Rwanda rwasezerewe na Zambiya ku gitego 1-0 mu mikino yombi.

Urutonde rw’abakinnyi :

Olivier Kwizera, Eric Ndayishimiye, Ismail Nshutiyamagara, Emery Bayisenge, Michel Rusheshangoga, Fitina Ombolenga, James Tubane, Jean Baptista Mugiraneza, Rachid Kalisa, Justin Mico, Patrick Sibomana, Jean Claude Iranzi,Djihad Bizimana, Yannick Mukunzi, Bertrand Iradukunda, Songa Isaie, Haruna Niyonzima na Mutijima Janvier

Tanga igitekerezo na Facebook

Tanga igitekerezo