Abakinnyi 18 Amavubi nibo berekeje muri Mozambique

Yanditswe na Admin ku wa 12.06.2015 saa 20:52 | Yasuwe : 915

Umutoza w’ikipe y’igihugu nkuru y’u Rwanda Jonathan McKinstry yajyanye abakinnyi 18 muri Mozambique gukina umukino ubanza wo gushaka itike y’igikombe cy’Afurika umukino uzaba ku cyumweru tariki 14 Kamena 2015 .

Abakinnyi b’Amavubi berekeje muri Mozambique uko ari 18 ni : Olivier Kwizera, Eric Ndayishimiye, Michel Rusheshangoga, Emery Bayisenge, Herve Rugwiro, Faustin Usengimana, Eric Rutanga, Abouba Sibomana, Haruna Niyonzima, Andrew Buteera, Jean Baptiste Mugiraneza, Djihad Bizimana, Yannick Mukunzi, Patrick Sibomana, Jean Claude Iranzi, Michel Ndahinduka, Ernest Sugira  ndetse na Jacques Tuyisenge.

rwandasenior
Abo bakinnyi nibo bazatoranywamo 11 bazabanza kuri uwo mukino.Umutoza  w’Amavubi McKinstry atangaza ko agomba kugenda akitwara neza muri uwo mukino kugira ngo arusheho kugira icyizere.Mckinstry avuga ko imyitozo yagenze neza kandi bakaba barafashijwe n’imikino baherutse gukina iri ku rwego mpuzamahanga.

Iyo mikino yari iyo kwibuka Jenoside yakorewe Abatutsi mu 1994, Amavubi yakinnye imikino ibiri umwe yanganyije ubusa ku bundi na Kenya n’undi yatsinze Tanzania 2-0. Uyu mutoza akomeza avuga ko umukino bazakina na Mozambique uzaba ukomeye.

Amavubi azakina na Mozambique mu itsinda H ryo gushaka itike y’igikombe cy’Afurika muri 2017 kizabera muri Gabon.Ikipe y’igihugu Amavubi iri mu itsinda ririmo Ghana, Mozambique n’Ibirwa bya Maurice.Umukino wa kabiri Amavubi azakina na Ghana ukazabera i Kigali.

Biteganyijwe ko Amavubi azakina na Ghana mu mukino wo kwishyura hagati ya tariki 4 na 6 Nzeri 2015.

Tanga igitekerezo na Facebook

Tanga igitekerezo