Abakinnyi 11 nibo bemerewe ubwenegihugu bw’u Rwanda

Yanditswe na Admin ku wa 30.12.2014 saa 16:14 | Yasuwe : 761

Nyuma y’ingenzura ryakozwe n’ubuyobozi bukuru bw’abanjira n’abasohoka mu gihugu, abakinnyi  11 nibo basanze bafite ubwenegihugu bw’u Rwanda.

Abo bakinnyi bazahabwa ibyangombwa na FERWAFA bibemerera gukina nk’abanyarwanda mu makipe yabo y’icyiciro cya mbere hano mu Rwanda ni : Fuadi Ndayisenga (Rayon Sports), Rwigema Yves (APR), Bukebuke Yannick (APR), Ngabonziza Albert (APR), Iradukunda Bertrand (APR), Buteera Andrew (APR), Mvuyekure Emery (Police), Mbanzumutima Hamadou (Police), Bizimana Djuma (Amagaju), Yumba Keita (Amagaju) na Bantu Adrien (Amagaju).

rwandanationalfootball

Iyi raporo yagaragaje ko abakinnyi 13 basanze ari abanyamahanga barimo Peter Otema wa Rayon Sports na Said Abed Makasi wa Espoir batangiye gusaba ubwenegihugu.Tibingana

Muganza Isaac (Rayon Sports) n’impanga ye Songa Isaie (AS Kigali) basanze ari abanyamahanga ariko basaba ubwengihugu baranabuhabwa basigaje gusohoka mu Igazeti ya Leta.

Abandi babaye abanyamahanga ni Kipson Atuheire (Police FC), Nyango Ombeni (Mukura VS), Mazuru Rodrigue (Musanze FC), Kawuma Charles (Sunrise FC), Irakoze Nasser (Espoir FC), Lomami Andre (Espoir) yatangiye gusaba ubwenegihugu.Tibingana Charles wa APR FC nawe yatangiye gusaba ubwenegihugu.

Moninga Warusambo (Espoir FC), Saidi Abedi Makasi (Espoir FC), Muderwa Barorebwami Janvier wamenyekanye nka Ntaganda Elias (Espoir FC) na Ndikumana Hamad “Kataut” (Espoir FC) nabo basanze atari Abanyarwanda.

Haracyari abakinnyi 10 bagikurikiranwa mu gihe abandi 27 bataritaba Ikigo cy’Igihugu cy’Abinjira n’Abasohoka.

Shampiyona y’icyiciro cya mbere izasuburwa tariki 6 Mutarama 2015 hakinwa umunsi 12.

Tanga igitekerezo na Facebook

Tanga igitekerezo