Abakinnyi 10 ba Rayon Sports bararangiza amasezerano

Yanditswe na Rwanda Football ku wa 24.04.2015 saa 14:35 | Yasuwe : 1,035

Imwe mu makipe amaze igihe ikaba  ifite abakunzi benshi mu Rwanda Rayon Sports ifite abakinnyi 10 barangiza amasezerano yabo muri uno mwaka.

Umuyobozi wa Rayon Sports, Ntampaka Théogène atangaza ko batangiye kuvugana n’abakinnyi bagiye kurangiza amasezerano kugira ngo batazerekeza ahandi.

Ntampaka atangaza ko ari inshingano zabo kubikurikirana bakaba bakongera amasezerano abo bakinnyi, ati ” ibyo ni inshingano z’ubuyobozi, ubu turimo turareba abo tuzifashisha muri shampiyona itaha, hari n’ibyatangiye gukorwa. Iyo abakinnyi barangije amasezerano hari abayongererwa, haracyasigaye amezi atatu ngo umwaka w’imikino urangire hari ibyo turi gukora”.

rayon15

Abakinnyi ba Rayon Sports ifite bagiye kurangiza amasezerano barimo: umuzamu Eric Ndayishimiye bita Bakame, kapiteni Ndayisenga Fuadi, umuzamu Gérard Bikorimana, Djihad Bizimana, Faustin Usengimana na Aphrodis Hategekimana bita Kanombe.

Abandi bakinnyi ni: Jean Paul Havugarurema, Robert Ndatimana, Isaac Muganza, Léon Uwambajimana, Moses Shukuru Kanamugire ndetse na Peter Kagabo.

Kuri ubu Rayon Sports iri gukora cyane kugira ngo ibe yarangiza shampiyona ku myanya myiza kandi bakaba babona ko bigenda biza, bitandukanye no mu gihe cyashize.

Ati ” hari impinduka zagiye zibamo nko guhindura abatoza, ariko tugomba kwitegura igikombe cy’amahoro”.

Ntampaka avuga ko igikombe cya shampiyona cyo gisa naho cyamaze kubacika, kuri ubwo bakaba bagomba gushyira imbaraga mu gikombe cy’amahoro.

Rayon Sports iri ku mwanya wa 4 n’amanota 33 muri shampiyona y’icyiciro cya mbere.

Tanga igitekerezo na Facebook

Tanga igitekerezo