Abakiniye Amavubi muri CAN bagiye kongera guhurira mu kibuga

Kuri iki cyumweru tariki 24 Gicurasi 2015 mu Majyaruguru mu Karere ka Musanze hazabera umukino uzahuza abakinnyi bigeze gukinira Amavubi ndetse n’abavuka muri kariya Karere n’utundi tuyikikije mu rwego rwo kwibuka abana bahitanywe na JENOCIDE

Uyu mukino wateguwe n’umuryango GRO INITIATIVE, wateguwe mu rwego rwo kwibuka abana bazize Jenoside yakorewe Abatutsi muri Mata 1994. Uyu mukino uzahuza abakinnyi baciye mu ikipe y’igihugu ndetse n’abagikina ubungubu bakazakina n’abakinnyi bavuka muri aka Karere.

Umuyobozi wa GRO INITIATIVE Kamanzi Elise avuga ko uyu mukino bawuteguye kugirango bazirikane aba bana bahitanywe na jenoside ndetse banahumurize ababyeyi babuze abana muri jenoside . Uyu muyobozi w’uyu muryango avuga ko abana bakwiye kumenya ububi bw’amacakubiri ari nayo yagejeje u Rwanda muri jenoside.

amavubi_cyera

Kamanzi kandi avuga ko ubundi butumwa bw’umwihariko babugeneye abahoze ari ingabo za APR ndetse banabasaba ko abazabishobora bazahagera. Bakaba kandi ngo babashimira ko bahagaritse jenoside . Uyu mukino uteganyijwe ku cyumweru saa cyenda n’igice kuri sitade ya Musanze.

Bamwe mu bakinnyi bazitabira uyu mukino harimo Ndikumana Katauti, Mohamud Mossi, Nshimiyimana Eric, Mutarambirwa Djabil, Mulisa Jimmy, Mousa Kombi Billy, Gishweka Faustin, Muhayimana Theoneste, Said Abed, Ndayishimiye Eric Bakame, Bayisenge Emery, Rucogoza Aimable Mambo, Kodo, Jojoli, Migi, Ntamuhanga Tumaini Titi, Kanombe, Shyaka Jean, Iranzi Jean Claude, Mico Justin n’abandi. Bakazakina n’ikipe igizwe n’abakinnyi bavuka mu Karere ka Musanze n’utundi tuyikikije.

Tanga igitekerezo na Facebook

Tanga igitekerezo