Abagore-AS Kigali yashikirijwe igikombe cya shampiyona

Yanditswe na Admin ku wa 25.06.2015 saa 13:44 | Yasuwe : 1,661

Ikipe ya AS Kigali kuri uyu wa kabiri 23.06.2015 y’abategarugori yegukanye igikombe cya shampiyona y’icyiciro cya mbere ya 2014-2015.

AS Kigali yahawe igikombe kuri uyu wa kabiri nyuma y’umukino wabahuje na Kamonyi WFC kuri Sitade ya Kicukiro, aho amakipe yombi yanganyije ibitego 2-2.

Kamonyi WFC niyo yabanje kureba mw’izamu rya AS Kigali ku bitego byatsinzwe na Jeanette Mukeshimana ku munota wa 31 na Dorothe Mukeshimana ku munota wa 57.

AS Kigali yaje kubyishyura binyuze kuri Anne Marie Ibangarye ku munota wa 79 na Marthe Nyiramwiza ku munota wa 84.Usibye guhabwa igikombe, AS Kigali yegukanye amafaranga angana na Miliyoni Imwe (1,000,000 Frw) naho Kamonyi ihabwa Ibihumbi Magana atanu (500,000 Frw).

askglwomens

AS Kigali yegukanye igikombe cya shampiyona ku nshuro ya karidwi n’amanota 50 mu mikino 19 yakinye muri uyu mwaka wa shampiyona.Ikipe ya AS Kigali yatsinze imikino 19 ; inganya ibiri ; itsindwa umwe.

Kamonyi WFC iri buhure na AS Kigali yarangije umwaka wa shampiyona iri ku mwanya wa kabiri n’manaota 42 mu mikino 19.Ikipe ya Les Lionnes iri ku mwanya wa gatatu n’amanota 39 mu gihe Inyemera iri ku mwanya wa kane n’amanota 38.Ku mwanya wa gatanu hari, Rambura n’amanota 31 naho Freedom de Gakenke iri ku mwanya wa gatandatu n’amanota 23.

Nyagatare, Atletico Huye, Golden Generation, Youvia, Bugesera na Academic Girls ziri ku myanya ikurikira n’amanota 20, 17, 14, 14, 11 na 3.

Tanga igitekerezo na Facebook

Tanga igitekerezo