Abafana ba Rayon Sports bamaze gutanga miliyoni 2 zo kugura abakinnyi

Yanditswe na Rwanda Football ku wa 10.07.2015 saa 15:13 | Yasuwe : 695

Ikipe ifite abakunzi benshi mu Rwanda Rayon Sports  irata ngaza ko Abafana bayo  bamaze gutanga miliyoni 2 kugira ngo hagurwe abakinnyi bifuza.

Umuyobozi w’abafana ba Rayon Sports, Muhawenimana Claude atangaza ko muri iki gihe cyo kugura no kongerera abakinnyi amasezerano bamaze gutanga miliyoni 2 z’amafaranga y’u Rwanda.

Ati “abafana bamaze gutanga miliyoni ebyiri kuri ibi bikorwa byo kugura abakinnyi kuva byatangira, ni ibikorwa bagenda bakora bisaba amafaranga, ariko hari n’ibindi bakora kubiha agaciro kabyo usanga bigorana nko kwishyuza ku masitade, kuva batangira kubita abajura abantu bamwe binjiye mucyo twakwita foramu (forum) nibo bari kubikora”.

Claude avuga ko batavuga abafana gusa, kuko hari n’abanyamuryango babarirwa mu bafana bagenda batanga ubutumwa butandukanye.Akomeza agira ati ” hari abatanga miliyoni, abatanga ibihumbi 500 rimwe na rimwe bakaba badashobora no kugaragara”.

 Abafana-bavuga-bigoye-gufana-utanyoye-ku-nzoga-Copy

Hari abakinnyi barangije amasezera mu ikipe ya Rayon Sports abafana bakaba bashaka kuba abo bakinnyi baguma muri iyo kipe. Abakinnyi barangije amasezerano mu ikipe ya Rayon Sports ni nka Bizimana Djihad, Ndayishimiye Eric bita Bakame na Usengimana Faustin bashobora kwerekeza ahandi.

Mu munsi ishize bamwe mu bakinnyi ba Rayon Sports barangije amasezerano bahita bagenda mu yandi makipe.

Ndatimana Robert, Ndayisenga Faude, Sibomana Abouba, Nizigiyimana Karim Makenzi na Hategekimana Aphrodice bita Kanombe abo bakinnyi bagiye bakirangiza amasezerano mu gihe abafana bari bakibakeneye kandi hari n’imikino batakinnye kandi ikipe ikibifuza.

Tanga igitekerezo na Facebook

Tanga igitekerezo