Rayon Sports iri gusinyisha abandi bakinnyi

Ubuyobozi bw’ikipe ya Rayon Sports bwatangaje ko yuma yo guhabwa amahirwe yo kwiyerekana muri CECAFA Kagame cup, bwafashe icyemezo cyo gusinyisha amasezerano abakinnyi batatu undi umwe agasezererwa

Umukinnyi ukomoka muri Togo Yao Zico Seklé niwe wasezerewe kuko basanze urwego rwe rw’imikinire ruri hasi kandi atabashije kwemeza aba Rayons ,naho abandi batatu barimo mugenzi we, Geulli Koffi bagiye guhabwa amasezerano.

mutokoffiyossa

Mutombo Govin,Guelli Koffi na Yossa Bertrand nibo bazasinya muri Rayon Sports

Ntampaka Theogene, umuyobozi wa Rayon Sports yatangaje ko  umutoza Jean-françois Losciuto yabagejejeho raporo y’uko ikipe yari ayoboye yitwaye muri CECAFA Kagame Cup aho yasezerewe na APR FC muri ¼ cy’irangiza.Yagize ati “ Twishimiye uko ikipe yitwaye muri CECAFA Kagame cup bijyanye n’igihe gito cy’imyiteguro abakinnyi bagize.”

Yossa Bertrand wavuye muri Mukura VS, Geulli Koffi wavuye muri Togo na Mutombo Govin waje aturuka muri Espoir FC babagumanye bakaba bagiye guhabwa amasezerano.

Ntampaka avuga ko umutoza yababwiye ko hakibura abakinnyi batatu bagomba gushakira mu Rwanda no hanze yarwo harimo Umugande Brian Umony ukinira KCCA wabaye rutahizamu wa CECAFA n’ibitego 5.

Yakomeje agira ati “ Turi gushaka abakinnyi batatu bakina imbere haba mu Rwanda no hanze y’igihugu.”

Tanga igitekerezo na Facebook

Tanga igitekerezo