Ikipe y’igihugu ya Gabon “Panthères”yageze i Kigali

Yanditswe na Admin ku wa 10.07.2014 saa 11:32 | Yasuwe : 1,503

Ikipe y’igihugu ya Gabon ‘Panthères’ yaraye igeze i Kigali kuri uyu wa gatatu aho ije gukina umukino wa gicuti n’ikipe y’igihugu cy’u Rwanda Amavubi uzaba kuri uyu wa gatandatu kuri sitade ya Kigali I Nyamirambo.

Iyi kipe igizwe n’abantu 46 irimo abakinyi 20, ikipe ya tekiniki y’abantu 9, abanyamakuru 6 n’abayobozi 11 icumbukiwe kuri Hotel La Palisse i Nyandungu.

Iyi ikipe irakoresha uyu mukino wa gicuti kugirango ikomeze kwitegura amajonjora yo gushaka itike yo gukina igikombe cy’Afurika kizabera I Maroc mu mwaka utaha.

fegafoot

Bo ntabwo bazakina imikino ibanza y’amajonjora n’ikipe y’amavubi ahubwo bafite itike yo mu matsinda aho bari mw’itsinda C ririmo ibindi bihugu nka Angola na Burkina Faso. Ikindi gihugu kiziyongeramo kizava mu ikipe izaba yatsinze hagati ya Lesotho na Kenya.

Umukino wo kwishyura hagati y’Urwanda na Gabon uzaba tariki ya 24/07/2014 I Libreville Amavubi avuye gukina umukino ubanza na Congo Brazzaville uzaba tariki ya 20/07/14 I Pointe-Noir.

Ikipe ya Gabon izasubira I Lebreville tariki ya 13/07/2014 saa saba na RwandAir.

Abakinyi bagize ikipe ya Gabon: Moundounga Rodrigue, Ambourouet Georges, Nguema Boris, Yembi Arnold, Ottomo Moussa Victorien, Wombo Biteghe Terence, Ndong Meye Lauryl, Moanda Bangalier Amédée, Gnassa Yann, Dinda Muller, Engonga Obame Franck, Nguema Erwin, Boussougou Cédric, Ndong Mba Emmanuel, Ondo Biyoghe Cédric, Sokambi Iaty Bonaventure, Appindangoye Aaron, Yacouya Lionel, Ness Younga Knox na Ntsitsigui Romuald.

Staff tekiniki: Mombo Serges Ahmed, Mbourounot Claude Atbert, Kossi Claude Pascal, Nzamba Nzamba Raphaët, Mouyopa Cyriile, Iguet Augustin, Dekousoud Jacques, Ognegue Ngoleine Charles, Oniane Jean Christophe

Tanga igitekerezo na Facebook

Tanga igitekerezo